കൊച്ചി: കാക്കനാട് രാജഗിരി ബിസിനസ് സ്‌കൂളും രാജഗിരി കോളേജ് ഓഫ് സോഷ്യൽ സയൻസസും സംയുക്തമായി സംഘടിപ്പിക്കുന്ന എട്ടാമത് രാജഗിരി ബിസിനസ് ലീഗ് ബാസ്‌കറ്റ് ബാൾ ടൂർണമെന്റ് രാജഗിരി വാലി കാമ്പസിൽ തുടങ്ങി. അസോസിയേറ്റ് ഡീൻ ഡോ. സൂസൻ മാത്യു ഉദ്ഘാടനം ചെയ്തു. ആർ.സി.ബി.എസ് അസിസ്റ്റന്റ് ഡയറക്ടർ ഡോ. ഫ്രാൻസിസ് സെബാസ്റ്റ്യൻ അദ്ധ്യക്ഷനായി. ഫ്രാഗൊമെൻ എച്ച്.ആർ അമിത് ആന്റണി ആർ.ബി.എൽ ജേഴ്‌സി കൈമാറി. ഐഡിയ ഹൗസ് സി.ഇ.ഒ ലൂയിസ് ഐസക് സംബന്ധിച്ചു. ഓൾ ഇന്ത്യ അമേച്വർ കോർപ്പറേറ്റ്, ഇന്റർകോളേജിയേറ്റ് എന്നിങ്ങനെ രണ്ട് വിഭാഗങ്ങളിലായാണ് മത്സരങ്ങൾ ക്രമീകരിച്ചിരിക്കുന്നത്. മൂന്നുദിവസം നീണ്ടുനിൽക്കുന്ന മത്സരങ്ങൾ 12ന് സമാപിക്കും.