കൊച്ചി: നഗരത്തിൽ വിവിധയിടങ്ങളിൽ നടത്തിയ പരിശോധനയിൽ മയക്കുമരുന്നുമായി സ്ത്രീകളടക്കം നാല് പേർ പിടിയിലായി. കൊച്ചി സിറ്റി ഡാൻസാഫ് സംഘം കാക്കനാട് ഐ.എം.ജി ജംഗ്ഷൻ ഡിവൈൻ വില്ലേജ് റോഡിൽ നടത്തിയ പരിശോധനയിൽ അസാം സ്വദേശികളായ രബീന്ദ്ര ഗോഗോയ്(27), മോനി കോൻവർ ഗോഗോയി (38) എന്നിവരാണ് പിടിയിലായത്. ഇവരിൽ നിന്ന് 86.337 ഗ്രാം ബ്രൗൺ ഷുഗറും 161.28 ഗ്രാം കഞ്ചാവും പിടിച്ചെടുത്തു. ഹൈക്കോടതി ഭാഗത്ത് നന്ദാവൻ റെസിഡൻസിയിൽ നടത്തിയ പരിശോധനയിൽ എറണാകുളം വടുതല സ്വദേശി പി.എസ്. അൻസിൽ(31), കൊല്ലം മങ്ങാട് സ്വദേശി ഹരിത(26) എന്നിവരാണ് അറസ്റ്റിലായത്. 1.379 ഗ്രാം എം.ഡി.എം.എ ഇവരിൽ നിന്ന് പിടികൂടി.