തൃപ്പൂണിത്തുറ: ഉദയംപേരൂർ എസ്.എൻ.ഡി.പി ഹയർ സെക്കൻഡറി സ്കൂളിലെ 8-ാം ക്ലാസ് വിദ്യാർത്ഥി പാവംകുളങ്ങര ക്ഷേത്രക്കുളത്തിൽ മുങ്ങിമരിച്ചു. തൃപ്പൂണിത്തുറ തെക്കുംഭാഗം പുല്ലുപറമ്പിൽ

റൊജീഷ് ജേക്കബിന്റെ മകൻ റോൺ റൊജീഷ് (13) ആണ് മരിച്ചത്. ക്ഷേത്രക്കുളത്തിൽ കാൽവഴുതി വീണ സുഹൃത്തിനെ രക്ഷിക്കാനായി ചാടിയ റോൺ മുങ്ങിപ്പോവുകയായിരുന്നു. ഓടിയെത്തിയ നാട്ടുകാർ വെള്ളത്തിൽ മുങ്ങിത്താഴുകയായിരുന്ന സുഹൃത്തിനെ രക്ഷിച്ചെങ്കിലും റോൺ മുങ്ങിയത് അറിഞ്ഞിരുന്നില്ല. വിവരമറിഞ്ഞ് വീണ്ടും തെരച്ചിൽ നടത്തി റോണിനെ പുറത്തെടുത്തപ്പോഴേക്കും മരിച്ചിരുന്നു. താലൂക്കാശുപത്രി മോർച്ചറിയിലുള്ള മൃതദേഹം പോസ്റ്റ്മോർട്ടത്തിന് ശേഷം ഇന്ന് ബന്ധുക്കൾക്ക് വിട്ടുനൽകും. മാതാവ്: സൗമ്യ. സഹോദരൻ: റെയാൻ.