വൈപ്പിൻ: ചെറായി വിജ്ഞാന വർദ്ധിനിസഭ വക ശ്രീ ഗൗരീശ്വരക്ഷേത്രത്തിൽ 1200 മകരത്തിലെ മഹോത്സവത്തിന് ഫെബ്രുവരി 4ന് കൊടിയേറും. രാവിലെ 7ന് 1001 കതിന, 11 മുതൽ പ്രസാദ ഊട്ട്, വൈകീട്ട് 5ന് ചെറായി ഭക്തജന സമിതിയുടെ കാവടിയാട്ടം, രാത്രി 8ന് കൊടിയേറ്റം.

5ന് വൈകീട്ട് 6.30ന് നൃത്തസംഗീതാവിഷ്‌ക്കരണം, രാത്രി 8ന് കഥകളി.
6ന് വൈകീട്ട് 5.30ന് ചാക്യാർകൂത്ത്, രാത്രി 8ന് നൃത്തസംഗീതനാടകം പഞ്ചമി പെറ്റ പന്തിരുകുലം.

7ന് വൈകീട്ട് 6.30ന് കൈകൊട്ടിക്കളി, രാത്രി 8ന് നൃത്തസന്ധ്യ- ഗൗരീശങ്കരം.

8ന് വൈകീട്ട് 6ന് ഓട്ടൻതുള്ളൽ, രാത്രി 8ന് കോമഡി മെഗാഷോ.

9ന് രാവിലെ 9ന് ശ്രീനാരായണ ധർമ്മപഠനപരിക്ഷത്ത്, വൈകീട്ട് 6.30ന് സോപാനനൃത്തം, രാത്രി 8ന് ഗാനമേള.
10 ന് വൈകീട്ട് 5ന് സാംസ്‌കാരിക സമ്മേളനം, രാത്രി 8ന് നാടകം മുച്ചീട്ട് കളിക്കാരന്റെ മകൾ.

11ന് പുലർച്ചെ 5ന് നവകലശാഭിഷേകം, രാവിലെ 6 മുതൽ തൈപ്പൂയാഭിഷേകം, 10ന് എടവനക്കാട് പഴനിയാണ്ടവ സംഘത്തിന്റെ കാവടി ഘോഷയാത്ര.

11ന് കാഴ്ചബലി, വൈകീട്ട് 6ന് ചെറായി ഗൗരീശ്വരവിലാസം കാവടിസംഘത്തിന്റെ ഭസ്മക്കാവടിഘോഷയാത്ര, ദീപരാധനക്ക് ശേഷം 'ദേവിക്ക് പൂമുടൽ', രാത്രി 8ന് സംഗീത കച്ചേരി, 11ന് പള്ളിവേട്ട.
12ന് ആറാട്ട് മഹോത്സവ ദിവസം രാവിലെ 8.15ന് തിടമ്പേറ്റൽ, 8.30 മുതൽ ശ്രീബലി, വൈകീട്ട് 3 മുതൽ പകൽപൂരം, കുടമാറ്റം, കുടിയെഴുന്നള്ളിപ്പ്, വർണ്ണക്കാഴ്ച. രാത്രി 10ന് നാദസ്വരച്ചേരി, രാത്രി 1ന് ആറാട്ട് പുലർച്ചെ 2 മുതൽ 6 വരെ ആറാട്ടെഴുന്നള്ളിപ്പ്, രാവിലെ 7ന് കൊടിയിറക്കൽ.