പിറവം: വെളിയനാട് വടയാപറമ്പ് മോർ ബഹനാം ഓർത്തഡോക്സ് വലിയപള്ളിയിൽ ബഹനാം സഹദായുടെ ഓർമ്മ പെരുന്നാളിന് കൊടിയേറി. ഡിസംബർ 21 മുതൽ 23 വരെയാണ് പെരുന്നാൾ ആഘോഷങ്ങൾ. ഇടവക മെത്രാപ്പൊലീത്ത ഡോ. യാക്കോബ് മാർ ഐറേനിയോസ് കൊടിയേറ്റി. ശനി രാവിലെ 7.30ന് മാങ്ങിടപ്പള്ളി കരിശിങ്കൽ വി. കുർബാന, 22ന് രാവിലെ 8ന് വി. കുർബാന, വൈകിട്ട് 7.30ന് മാങ്ങിടപ്പള്ളി കരിശിങ്കലേക്ക് പ്രദക്ഷിണം. നേർച്ചസദ്യ. 23ന് രാവിലെ 8ന് നടക്കുന്ന കുർബാനക്ക് ഫാ. ഡോ. എം.പി. ജോർജ് കോർ എപ്പിസ്കോപ്പ മുഖ്യകാർമ്മികനാകും. തുടർന്ന് കച്ചൂലക്കാല കുരിശിങ്കലേക്ക് പ്രദക്ഷിണം, നേർച്ചസദ്യ തുടങ്ങിയവ നടക്കും. പെരുന്നാൾ ഒരുക്കങ്ങൾ പൂർത്തിയായതായി വികാരി ഫാ. ബിജു പി. തോമസ്, സെക്രട്ടറി എം.കെ. തമ്പി , വി.എം. മർക്കോസ്, എ.സി. ജോർജ് എന്നിവർ അറിയിച്ചു.