പറവൂർ: വടക്കേക്കര ഹിന്ദുമത ധർമ്മപരിപാലന സഭ മൂത്തകുന്നം പരുവക്കൽ ഭഗവതി ക്ഷേത്രത്തിൽ മഹോത്സവത്തിന് നാളെ രാത്രി എട്ടിന് കൊടിയേറും. ഇന്ന് രാത്രി 8ന് ഭദ്രകാളിയിങ്കൽ ഗുരുതി. 24വരെ രാവിലെ ഒമ്പതിനും രാത്രി എട്ടിനും എഴുന്നള്ളിപ്പ് നടക്കും. 22ന് വൈകിട്ട് മൂത്തകുന്നം എസ്.എൻ.ഡി.പി വനിതാസംഘത്തിന്റെ താലം. 25ന് രാവിലെ ഏഴിന് ദേവീമാഹാത്മ്യ പാരായണം, എട്ടിന് ഭദ്രകാളിയിങ്കൽ പഞ്ചവിംശതി കലശപൂജ, അഭിഷേകം, രാവിലെ 10നും രാത്രി 10നും എഴുന്നള്ളിപ്പ്, വൈകിട്ട് 7ന് ദേവിയിങ്കൽ പഞ്ചവിംശതി കലശപൂജ. മഹോത്സവദിനമായ 26ന് രാവിലെ 8ന് ശ്രീബലി, 9ന് ദേവിയിങ്കൽ പഞ്ചവിംശതി കലശപൂജ, ലളിതാസഹസ്രനാമാർച്ചന, 11ന് അഭിഷേകം, വൈകിട്ട് 4ന് കാഴ്ചശ്രീബലി, രാത്രി 8ന് പൊങ്കാല, 10ന് കഥകളി, പുലർച്ചെ നാലിന് ആറാട്ടും വിളക്കിനെഴുന്നള്ളിപ്പിനും ശേഷം കൊടിയിറക്കം.