പറവൂർ: പറവൂത്തറ ചില്ലിക്കൂടം ശ്രീഭദ്രകാളി ക്ഷേത്രം മഹോത്സവത്തിന് ഇന്ന് കൊടിയേറും. വൈകിട്ട് എട്ടിന് ക്ഷേത്രം തന്ത്രി കൊടുങ്ങല്ലൂർ സന്തോഷിന്റെ മുഖ്യകാർമ്മികത്വത്തിലാണ് കൊടിയേറ്റ്. രാവിലെ അഷ്ടദ്രവ്യഗണപതിഹോമം. വൈകിട്ട് ഏഴരക്ക് പറവൂത്തറ താലം എഴുന്നള്ളിപ്പ്. രാത്രി എട്ടരക്ക് കൈകൊട്ടിക്കളി. നാളെ രാവിലെ എട്ടിനും വൈകിട്ട് അഞ്ചിനും നാരായണീയ പാരായണം, വൈകിട്ട് എഴിന് കരാക്കേ ഗാനമേള. 22ന് വൈകിട്ട് ഏഴിന് വയലിൻ സോളോ, രാത്രി എട്ടിന് എസ്.എൻ.വി സ്കൂളിലെ വിദ്യാർത്ഥികളുടെ ഗാനമേള. 23ന് രാവിലെ പതിനൊന്നിന് ഭസ്മക്കളം, വൈകിട്ട് മൂന്നിന് പൊടിക്കളം, ആറരക്ക് സോപനസംഗീതം, ഏഴരക്ക് തൂയിത്തറ താലം എഴുന്നള്ളിപ്പ്, രാത്രി എട്ടരക്ക് അഷ്ടനാഗക്കളം, 24ന് വൈകിട്ട് വിവിധ കലാപരിപാടികൾ. 25ന് രാവിലെ പത്തിന് കലംപൂജ, രാത്രി എഴിന് മധുരം മലയാളം മിമിക്രി ഷോ, മഹോത്സവദിനമായ 26ന് രാവിലെ ആറിന് 501 പറ വഴിപാട്, പതിനൊന്നിന് അഭിഷേകം, ആനയൂട്ട്, ഉച്ചക്ക് പന്ത്രണ്ടിന് ആറാട്ട്സദ്യ, വൈകിട്ട് മൂന്നിന് പകൽപ്പൂരം, അഞ്ചരക്ക് മഹാലക്ഷ്മി പൂജയും മണ്ഡലപൂജ സമർപ്പണവും. രാത്രി ഒമ്പതരക്ക് നാടകം. പുലർച്ചെ രണ്ടിന് ആറാട്ടെഴുന്നള്ളിപ്പ്, കൊടിയിറക്കൽ എന്നിവയ്ക്ക് ശേഷം നടയടക്കും. ജനുവരി രണ്ടിന് നടതുറപ്പ്.