പെരുമ്പാവൂർ: ഗണേശോത്സവ ട്രസ്റ്റ് പെരുമ്പാവൂർ മണ്ഡലം കമ്മിറ്റിയുടെയും ജനമൈത്രി പൊലീസിന്റെയും നേതൃത്വത്തിൽ വട്ടയ്ക്കാട്ടുപടിയിൽ അയ്യപ്പഭക്തർക്ക് അന്നദാനം നടത്തി. എൽദോസ് കുന്നപ്പിള്ളി എം.എൽ.എ ഉദ്ഘാടനം ചെയ്തു. ഗണേശോത്സവ ട്രസ്റ്റ് മണ്ഡലംപ്രസിഡന്റ് പി.കെ.ശിവറാം അദ്ധ്യക്ഷനായി. പെരുമ്പാവൂർ ട്രാഫിക്ക് എസ്ഐമാരായ അജയകുമാർ, തുളസി, രായമംഗലം പഞ്ചായത്ത്പ്രസിഡന്റ് എൻ.പി. അജയകുമാർ, ഗണേശോത്സവ ട്രസ്റ്റ് ജില്ലാപ്രസിഡന്റ് സജി തുരുത്തിക്കുന്നേൽ, ജില്ലാ സെക്രട്ടറി കെ.വൈ. കുഞ്ഞുമോൻ, അഭിലാഷ് കോതമംഗലം, രാമചന്ദ്രൻ ഡിന്നർ, പി.ഒ. തോമസ്, രാമൻ എന്നിവർ സംസാരിച്ചു.