വൈപ്പിൻ: വധശ്രമക്കേസ് പ്രതി ചെറായി ഒളാട്ടുപുറം (പെരുന്തറ) അക്ഷയ് (ജലേഷ്, 25)നെ കാപ്പ ചുമത്തി ആറ് മാസത്തേക്ക് നാട് കടത്തി. റൂറൽ ജില്ലാ പൊലീസ് മേധാവി ഡോ. വൈഭവ് സക്‌സേനയുടെ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡി.ഐ.ജി തോംസൺ ജോസ് ആണ് ഉത്തരവിട്ടത്. കഴിഞ്ഞ 5 വർഷത്തിനുള്ളിൽ മുനമ്പം, നോർത്ത് പറവൂർ പൊലീസ് സ്റ്റേഷൻ പരിധികളിൽ കുറ്റകരമായ നരഹത്യശ്രമം, അസഭ്യം പറയൽ, ഭീഷണിപ്പെടുത്തൽ, ദേഹോപദ്രവം, മയക്കുമരുന്ന് കേസ് തുടങ്ങി നിരവധി കുറ്റകൃത്യങ്ങളിൽ ഉൾപ്പെട്ടയാളാണ്. ആഗസ്റ്റിൽ നോർത്ത് പറവൂർ പൊലീസ് രജിസ്റ്റർ ചെയ്ത വധശ്രമ കേസിൽ പ്രതിയായതിനെ തുടർന്നാണ് നടപടി.