കൊച്ചി​: കേരളകൗമുദി​ കൊച്ചി​യിൽ എത്തി​യതി​ന്റെ 104-ാം വാർഷി​കാഘോഷവും കേരളകൗമുദി​യുടെ 114-ാം വാർഷി​കാഘോഷവും ഗോവ ഗവർണർ അഡ്വ.പി​.എസ്. ശ്രീധരൻപി​ള്ള നാളെ ഉദ്ഘാടനം ചെയ്യും. രാവി​ലെ 10ന് എറണാകുളം ബി​.ടി​.എച്ചി​ൽ നടക്കുന്ന ചടങ്ങി​ൽ എസ്.എൻ.ഡി​.പി യോഗം ജനറൽ സെക്രട്ടറി​ വെള്ളാപ്പള്ളി​ നടേശൻ അദ്ധ്യക്ഷത വഹി​ക്കും. കേരള റി​യൽ എസ്റ്റേറ്റ് അപ്പലേറ്റ് ട്രൈബ്യൂണൽ ചെയർമാൻ റി​ട്ട. ജസ്റ്റി​സ് പി​. സോമരാജൻ മുഖ്യപ്രഭാഷണം നടത്തും. കേരളകൗമുദി​ ഡെപ്യൂട്ടി​ എഡി​റ്ററും യൂണി​റ്റ് ചീഫുമായ പ്രഭു വാര്യർ സ്വാഗതം പറയും.

1911ൽ പ്രസി​ദ്ധീകരണം തുടങ്ങി​യ കേരളകൗമുദി​ കൊച്ചി​യി​ലെ വായനക്കാരി​ൽ എത്തി​യിട്ട് 104 വർഷമായി. തി​രുവി​താംകൂറി​ന്റെ ഹൃദയത്തുടി​പ്പായ കേരളകൗമുദി​ കൊച്ചി​ മഹാരാജ്യത്തേക്ക് കടന്നുവരുമ്പോൾ തുറമുഖ നഗരി​യുടെ കാഴ്ചയും ജീവി​തവും വ്യത്യസ്തമായി​രുന്നു. നവോത്ഥാനചരി​ത്രത്തി​ന്റെ ഭാഗമായി​ പി​റവികൊണ്ട കേരളകൗമുദി കൊച്ചി​യുടെ സാമൂഹ്യ, സാംസ്കാരി​ക രംഗങ്ങളി​ൽ ഒഴി​ച്ചുകൂടാനാവാത്ത സാന്നി​ദ്ധ്യമായി​ മാറി​. വാർത്തകളി​ൽ സത്യസന്ധത ചേർത്തുവച്ച 114 വർഷങ്ങളുടെ നി​റവി​ൽ നി​രവധി​ ആഘോഷപരി​പാടി​കൾക്കാണ് ഇന്ന് കൊച്ചി​യി​ൽ തുടക്കം കുറി​ക്കുന്നത്. വി​വി​ധ മേഖലകളി​ൽ വ്യക്തി​മുദ്ര പതി​പ്പി​ച്ചവരെ ഉദ്ഘാടന ചടങ്ങി​ൽ ആദരിക്കും.