മൂവാറ്രുപുഴ: താലൂക്ക് ലൈബ്രറി കൗൺസിലുകൾ രൂപീകരിക്കാനുള്ള തിരഞ്ഞെടുപ്പ് നടപടികൾ പൂർത്തിയാക്കുന്നതിന് നിയോഗിച്ചിട്ടുള്ള റിട്ടേണിംഗ് ഓഫീർമാർക്കായി ലൈബ്രറി കൗൺസിൽ ഹാളിൽ നടത്തിയ പരിശീലന ക്ലാസ് സംസ്ഥാന ലൈബ്രറി കൗൺസിൽ അംഗം ജോസ് കരിമ്പന ഉദ്ഘാടനം ചെയ്തു. ലൈബ്രറി കൗൺസിൽ താലൂക്ക് പ്രസിഡന്റ് ജോഷി സ്കറിയ അദ്ധ്യക്ഷനായി. താലൂക്ക് സെക്രട്ടറി സി.കെ. ഉണ്ണി, ജില്ലാ ലൈബ്രറി ഓഫീസർ പി.സി. ജയ എന്നിവർ ക്ലാസെടുത്തു. ജില്ലാ കൗൺസിൽ അംഗം ടി.പി. രാജീവ്, ലൈബ്രേറിയൻസ് യൂണിയൻ താലൂക്ക് സെക്രട്ടറി ജയ്സൺ കക്കാട്, അഭിലാഷ് കെ. ഡേവിഡ് എന്നിവർ നേതൃത്വം നൽകി. 2025 മാർച്ച് 2നാണ് ഗ്രന്ഥശാലകളിൽ തിരഞ്ഞെടുപ്പ് നടക്കുന്നത്. മൂവാറ്രുപുഴ താലൂക്കിൽ 69 ഗ്രന്ഥശാലകളിൽ നിന്ന് രണ്ട് പ്രതിനിധികളെ വീതമാണ് തിരഞ്ഞെടുക്കുന്നത്.