കൊച്ചി: എറണാകുളം-അങ്കമാലി അതിരൂപതാ സാമൂഹ്യപ്രവർത്തന വിഭാഗമായ സഹൃദയയുടെയും ജില്ലാ പഞ്ചായത്തിന്റെയും സഹകരണത്തോടെ ട്രാൻസ് ജെൻഡർ വ്യക്തികളുടെ ക്ഷേമ, പുനരധിവാസത്തിനായി നടപ്പാക്കുന്ന മാരിവില്ല് ട്രാൻസ് ജെൻഡർ ക്ലിനിക്കിന്റെ ആഭിമുഖ്യത്തിൽ ക്രിസ്മസ് പുതുവത്സര സംഗമം സംഘടിപ്പിച്ചു. ജില്ലാ സാമൂഹ്യനീതി ഓഫീസർ വി.ജെ. ബിനോയ് ഉദ്ഘാടനം ചെയ്തു. വൈറ്റില ട്രാൻസ് ജെൻഡർ ക്ലിനിക്ക്‌ സഹൃദയ ഡയറക്ടർ ഫാ. ജോസ് കൊളുത്തുവെള്ളി അദ്ധ്യക്ഷനായി. ട്രാൻസ് ജെൻഡർ ജസ്റ്റിസ് ബോർഡ് അംഗങ്ങളായ അഷ്റിൻ ഇഷാക്ക് ലൂക്ക്, സാൻജോ സ്റ്റീവ് തുടങ്ങിയവർ സംസാരിച്ചു.