മൂവാറ്റുപുഴ: മൂവാറ്റുപുഴ പ്രകൃതി ജീവന സമാജത്തിന്റെ ആഭിമുഖ്യത്തിൽ സാർവത്രിക ആരോഗ്യ പരിക്ഷാ ദിനാചരണത്തോടനുബന്ധിച്ച് പരിപൂർണ ആരോഗ്യം എങ്ങനെ സംരക്ഷിക്കാം എന്ന വിഷയത്തെക്കുറിച്ച് ഇന്ന് സെമിനാർ നടത്തും. ഉച്ചകഴിഞ്ഞ് 2ന് മൂവാറ്റുപുഴ നാസ് ഓഡിറ്റോറിയത്തിൽ നടക്കുന്ന സെമിനാർ നഗരസഭ ആരോഗ്യ ഉപസമിതി ചെയർമാൻ പി.എം. അബ്ദുൾ സലാം ഉദ്ഘാടനം ചെയ്യും. ഡോ. പി. നീലകണ്ഠൻ നായർ, യോഗാ മാസ്റ്റർ പോൾ വർഗീസ് എന്നിവർ സംസാരിക്കും.