കൊച്ചി: മതങ്ങൾക്കതീതമായ മാനുഷിക ബന്ധം കാലഘട്ടത്തിനാവശ്യമെന്ന് പാലാരിവട്ടം സെന്റ് മാർട്ടിൻ ഡി പോറസ് ചർച്ച് വികാരി ഫാ. തോമസ് വാളുക്കാരൻ പറഞ്ഞു. ബി.ഡി.ജെ.എസ് ജില്ലാ കമ്മിറ്റി സംഘടിപ്പിച്ച ക്രിസ്മസ് പുതുവത്സര ആഘോഷം ഉദ്ഘാടനം ചെയ്യുകയായിരുന്നു അദ്ദേഹം. ബി.ഡി.ജെ.എസ് ജില്ലാ പ്രസിഡന്റ് അഡ്വ. ശ്രീകുമാർ തട്ടാരത്ത് അദ്ധ്യക്ഷത വഹിച്ചു. ജില്ലാ ജനറൽ സെക്രട്ടറി പി.ബി. സുജിത്ത്, മഹിളാസേന സംസ്ഥാന സെക്രട്ടറി ബിന്ദു ഷാജി, ജില്ലാ അദ്ധ്യക്ഷ ബീനാ നന്ദകുമാർ, ജില്ലാ ഉപാദ്ധ്യക്ഷന്മാരായ എം.എ. വാസു, മനോജ് കപ്രക്കാട്, രഞ്ജിത്ത് രാജ്, സെക്രട്ടറിമാരായ സി.കെ. ദിലീപ്, വിജയൻ നെടുമ്പാശേരി, ഗിരിജ ചന്ദ്രൻ, ലൗലി കെ. ജിമ്മി , മണ്ഡലം പ്രസിഡന്റുമാരായ കെ.കെ. പീതാംബരൻ, വി.ടി. ഹരിദാസ്, ഉമേഷ് ഉല്ലാസ് എന്നിവർ സംസാരിച്ചു. മനോജ് മാടവന, എം.എസ്. ഹരിഹരൻ, കെ.ജി. ബിജു, ദിലീപ് ഉത്തമൻ എന്നിവർ നേതൃത്വം നൽകി.