ആലുവ: എസ്.എൻ.ഡി.പി യോഗം കങ്ങരപ്പടി ശാഖ സംഘടിപ്പിച്ച സർവമത സമ്മേളന ശതാബ്ദി സമ്മേളനം കങ്ങരപ്പടി എസ്.എൻ യു.പി സ്കൂൾ ഓഡിറ്റോറിയത്തിൽ അകം പൊരുൾ ഖുറാൻ രചയിതാവ് സി.എച്ച്. മുസ്തഫ മൗലവി ഉദ്ഘാടനം ചെയ്തു. എറണാകുളം ശങ്കരാനന്ദ ആശ്രമം സെക്രട്ടറി സ്വാമി ശിവസ്വരൂപാനന്ദ അദ്ധ്യക്ഷനായി. ഫാ. ജോസലറ്റ് ആറ്റുചാലിൽ മുഖ്യ പ്രഭാഷണം നടത്തി. എസ്.എൻ.ഡി.പി യോഗം ആലുവ യൂണിയൻ പ്രസിഡന്റ് വി. സന്തോഷ് ബാബു വിശിഷ്ടാതിഥിയായി. ജനപ്രതിനിധികളായ ലിസി കാർത്തികേയൻ, കെ.കെ. ശശി, കെ.എച്ച്. സുബൈർ, ബിജു പാലായിൽ, മേഖലാ കൺവീനർ കെ.കെ. മോഹനൻ, ശ്രീനാരായണ ക്ളബ് സെക്രട്ടറി കെ.എൻ. ദിവാകരൻ, ശാഖ പ്രസിഡന്റ് കെ.ആർ.എസ്. സുനിൽ, സെക്രട്ടറി തമ്പി കുന്നുംപുറം, ഗംഗാധരൻ പൊക്കോടത്ത്, ബിധു നാണിമൂല, സ്മിത ഗോപിനാഥ്, കെ.എൻ. ശശി, സുഭാഷിണി സഹദേവൻ, ദീന രാജു, അഖിൽ രാജ്, ബിനീഷ് നാണിമൂല, സ്നോജ്, ചായിക്കര എന്നിവർ സംസാരിച്ചു. സമ്മേളനത്തിന് മുന്നോടിയായി കങ്ങരപ്പടി കവലയിൽ നിന്ന് നൂറുകണക്കിന് ആളുകൾ പങ്കെടുത്ത സർവമത റാലി നടന്നു.