കൊച്ചി: തോപ്പുംപടിയി​ലെ അനാശാസ്യ കേന്ദ്രത്തിൽ പൊലീസ് നടത്തി​യ റെയ്ഡിൽ ഏഴ് പ്രതികൾ പിടിയിലായി. അസാം സ്വദേശികളായ കമാൽ ലലൂങ്ങും (25) ഭാര്യ പല്ലഭി ടൗവും (27) തോപ്പുംപടി ജംഗ്ഷന് സമീപമുള്ള വീട്ടിൽ നടത്തിയ അനാശ്യാസ കേന്ദ്രത്തി​ലായി​രുന്നു റെയ്ഡ്. പള്ളുരുത്തി സ്വദേശി​യി​ൽ നിന്നാണ് ദമ്പതി​കൾ വീട് വാടകയ്ക്കെടുത്തത്.

ഇൻസ്പെക്ടർ കെ.എ. ഷിബിൻ, സബ് ഇൻസ്പെക്ടർ ജിൻസൺ ഡൊമിനിക് എന്നിവരുടെ നേതൃത്വത്തിൽ നടത്തിയ റെയ്‌ഡിലാണ് പ്രതി​കൾ പി​ടി​യി​ലായത്. സ്ഥലത്തുനിന്നും 192ഗ്രാം കഞ്ചാവും കണ്ടെടുത്തു. പ്രതികളെ കോടതി റിമാൻഡ് ചെയ്തു.