കാലടി: തിരുവൈരാണിക്കുളം മഹാദേവ ക്ഷേത്രത്തിലെ ശ്രീപാർവതിദേവിയുടെ നടതുറപ്പ് മഹോത്സവ ദിനങ്ങളിൽ ദർശനത്തിനായുള്ള വെർച്വൽ ക്യൂ ബുക്കിംഗ് ആരംഭിച്ചു. സിനിമാ താരം ശിവദ ഉദ്ഘാടനം നിർവഹിച്ചു. ക്ഷേത്ര ട്രസ്റ്റ് സെക്രട്ടറി എ.എൻ. മോഹനൻ, പ്രസിഡന്റ് പി.യു. രാധാകൃഷ്ണൻ, പബ്ളിസിറ്റി സബ് കമ്മിറ്റി കൺവീനർ എം.എസ്. അശോകൻ, സെക്യൂരിറ്റി ആൻഡ് വെർച്വൽ ക്യൂ സബ് കമ്മിറ്റി കൺവീനർ എൻ.കെ. റെജി തുടങ്ങിയവർ പങ്കെടുത്തു.

12 മുതൽ 23 വരെയാണ് നടതുറപ്പ് മഹോത്സവം. ക്ഷേത്രത്തിന്റെ വെബ്സൈറ്റായ www.thiruvairanikkulamtemple.org വഴി വെർച്വൽ ക്യൂ ബുക്ക് ചെയ്യാം. ദേവസ്വം പാർക്കിംഗ് ഗ്രൗണ്ടുകളായ സൗപർണ്ണിക, കൈലാസം, തിരുവൈരാണിക്കുളം ജംഗ്ഷൻ എന്നിവിടങ്ങളിലെ വെരിഫിക്കേഷൻ കൗണ്ടറിൽ ബുക്കിംഗ് രസീത് നൽകി ദർശന പാസ്സ് വാങ്ങാം. വെർച്വൽ ക്യൂ ബുക്ക് ചെയ്യാത്തവർക്ക് സാധാരണ ക്യൂവിലൂടെ ദർശനം നടത്താം.