അടിമാലി: കുട്ടികളുടെ വിഭിന്നങ്ങളായ കഴിവുകൾ വികസിപ്പിക്കുന്നതിന് അടിമാലി വിശ്വദീപ്തി സി.എം.ഐ സ്കൂളിൽ എക്സിബിഷനും പാചകമേളയും സമാപിച്ചു, "ഇൻസ്പോ 2കെ24" എന്ന പേരിൽ വിപുലമായ എക്സിബിഷൻ ആണ് നടന്നത്. ശാസ്ത്രം, ഗണിതം, സാമൂഹ്യ ശാസ്ത്രം, കല തുടങ്ങിയ വിഷയങ്ങളിൽ പ്രദർശനം ഒരുക്കിയിട്ടുണ്ട്. കുട്ടികൾ നടത്തിയ പുതിയ കണ്ടുപിടുത്തങ്ങളും ഇവിടെ പ്രദർശിപ്പിക്കുന്നുണ്ട്. ചിത്രകല, ക്രാഫ്റ്റ് വർക്കുകൾ, എന്നിവയ്ക്കു പുറമെ ഐ.എസ്.ആർ.ഒ, കൃഷി വകുപ്പ്, എക്സൈസ്, പൊലീസ്, ഫയർ ഫോഴ്സ് തുടങ്ങിയ വിവിധ സർക്കാർ-ഇതര ഏജൻസികളുടെ പ്രത്യേക സ്റ്റാളുകളും ഉണ്ട് വിദ്യാർത്ഥികളുടെ പ്രദർശന വിഭാഗങ്ങളിൽ വിജയികൾക്ക് ക്യാഷ് അവാർഡുകളും സമ്മാനങ്ങളും നൽകും. ഇന്ന് വിദ്യാർത്ഥികളുടെ പാചകനൈപുണ്യം പ്രോത്സാഹിപ്പിക്കുന്നതിന് "മാസ്റ്റർ ഷെഫ്" എന്ന പേരിൽ പാചകമേള നടക്കും. കുട്ടികൾ തയ്യാറാക്കുന്ന ഇന്ത്യൻ വിഭവങ്ങൾക്കൊപ്പം ലോകപ്രശസ്തമായ ഭക്ഷണപാനീയങ്ങളും പ്രദർശനത്തിന് ഒരുക്കുമെന്ന് സ്കൂൾ മാനേജർ ഫാ. ഷിന്റോ കോലത്തുപടവിൽ, പ്രിൻസിപ്പൽ ഫാ.ഡോ. രാജേഷ് ജാേർജ്, സ്റ്റാഫ് സെക്രട്ടറി ഡൽഹി ഫ്രാൻസിസ്, അമൽ ഷാരോൺ, പി.വി റാണി, ബിനു ജോസഫ് എന്നിവർ അറിയിച്ചു. ഭക്ഷ്യമേളയിൽ നിന്നും ഉത്പ്പന്നങ്ങൾ വിൽപ്പന നടത്തി ലഭിക്കുന്ന പണം സന്നദ്ധ സേവനത്തിനായി വിനിയോഗിക്കുമെന്നും ഭാരവാഹികൾ പറഞ്ഞു.