തൊടുപുഴ :വിവിധ ആവശ്യങ്ങൾ ഉന്നയിച്ചുകൊണ്ട് അദ്ധ്യാപകരും ജീവനക്കാരും എഫ് എസ് ഇ റ്റി ഒ നേതൃത്വത്തിൽ ഇന്ന് തൊടുപുഴയിൽ ജില്ലാ മാർച്ചും ധർണ്ണയും സംഘടിപ്പിക്കും. രാവിലെ 11 മണിക്ക് തൊടുപുഴ സിവിൽ സ്റ്റേഷനിൽ നിന്നും ആരംഭിക്കുന്ന മാർച്ച് പഴയ ബസ് സ്റ്റാൻഡ് മൈതാനിയിൽ സമാപിക്കും. തുടർന്ന് നടക്കുന്ന ധർണ്ണ എൻ. ജി ഒ യൂണിയൻ സംസ്ഥാന വൈസ് പ്രസിഡന്റ് കെ പി സുനിൽകുമാർ ഉദ്ഘാടനം ചെയ്യും.പി എഫ് ആർ ഡി എ നിയമം പിൻവലിക്കുക;നിർവചിക്കപ്പെട്ട ആനുകൂല്യം ഉറപ്പാക്കുന്ന പഴയ പെൻഷൻ പദ്ധതി നടപ്പിലാക്കുക,ശമ്പള പരിഷ്‌കരണ നടപടികൾ ആരംഭിക്കുക,ക്ഷാമബത്ത, ശമ്പള പരിഷ്‌കരണ കുടിശ്ശിക ഉടൻ അനുവദിക്കുക,കേരളത്തോടുള്ള കേന്ദ്രസർക്കാരിന്റെ സാമ്പത്തിക ഉപരോധം അവസാനിപ്പിക്കുക,വിലക്കയറ്റം തടയുക,വർഗീയതയെ ചെറുക്കുക,ക്ഷാമബത്തക്കും ശമ്പളപരിഷ്‌കരണത്തിനും ആവശ്യമായ തുകയ്ക്ക് ആനുപാതികമായി കേന്ദ്ര വിഹിതം അനുവദിക്കുക,ദേശീയ വിദ്യാഭ്യാസ നയം 2020 ഉപേക്ഷിക്കുക,സർവ്വകലാശാലകളുടെ ജനാധിപത്യ അവകാശം സംരക്ഷിക്കുക,എച്ച്ബിഎ, മെഡിസെപ്പ് പദ്ധതികൾ കാര്യക്ഷമമാക്കുക തുടങ്ങിയ മുദ്രാവാക്യങ്ങൾ ഉന്നയിച്ചുകൊണ്ടാണ് മാർച്ചും ധർണ്ണയും സംഘടിപ്പിക്കുന്നത്.മാർച്ചിലും ധർണ്ണയിലും മുഴുവൻ ജീവനക്കാരും അധ്യാപകരും പങ്കെടുക്കണമെന്ന് എഫ് എസ് ഇ ടി ഒ ജില്ലാ സെക്രട്ടറി സി .എസ് മഹേഷും ജില്ലാ പ്രസിഡന്റ് കെ .ആർ ഷാജിമോനും അഭ്യർത്ഥിച്ചു.