കട്ടപ്പന: ബ്ലോക്ക് പഞ്ചായത്ത് കേരളോത്സവം 14, 15 തീയതികളിൽ അണക്കര മോൺട് ഫോർട്ട് സ്‌കൂളിൽ നടക്കും. 14ന് രാവിലെ 9ന് ബ്ലോക്ക് പഞ്ചായത്ത് പ്രസിഡന്റ് വി .പി ജോൺ ഉദ്ഘാടനം ചെയ്യും. വൈസ് പ്രസിഡന്റ് കുസുമം സതീഷ് അദ്ധ്യക്ഷയാകും. ജില്ലാ പഞ്ചായത്ത് വൈസ് പ്രസിഡന്റ് ആശ ആന്റണി മുഖ്യപ്രഭാഷണം നടത്തും. രാവിലെ 9.30 മുതൽ കവിതാലാപനം, മാപ്പിളപ്പാട്ട്, നാടോടിഗാനം, ദേശഭക്തിഗാനം, കഥാപ്രസംഗം, മിമിക്രി, മോണോ ആക്ട്, ഫാൻസി ഡ്രസ്, ചെണ്ട, വയലിൻ, തബല, മൃദംഗം, പ്രസംഗം(മലയാളം, ഇംഗ്ലീഷ്), ഭരതനാട്യം, കുച്ചിപ്പുടി, മോഹിനിയാട്ടം(വനിത), കേരളനടനം, നാടോടിനൃത്തം ഓട്ടംതുള്ളൽ, തിരുവാതിര(വനിത), ഒപ്പന, നാടോടിനൃത്തം, ഏകാംഗ നാടകം(മലയാളം), ലളിതഗാനം(പുരുഷൻ, വനിത), ചെസ്, രചന മത്സരങ്ങൾ, പഞ്ചഗുസ്തി തുടങ്ങിയ മത്സരങ്ങളും സ്‌കൂൾ ഗ്രൗണ്ടിൽ പുരുഷൻമാർക്കും വനിതകൾക്കുമായി 100, 200, 400, 800, 1500, 5000 മീറ്റർ ഓട്ടം മത്സരം, 4100 മീറ്റർ റിലേ, ഷോട്ട്പുട്ട്(7.25 കിലോ), ഡിസ്‌കസ് ത്രോ(2 കിലോ), ജാവലിൻ ത്രോ(800 ഗ്രാം), ലോങ്ജമ്പ്, ഹൈജമ്പ്, ട്രിപ്പിൾ ജമ്പ് തുടങ്ങിയ കായികമത്സരങ്ങളും നടക്കും. 15ന് രാവിലെ 9ന് ക്രിക്കറ്റ്, വോളിബോൾ, കബഡി, 9.30 മുതൽ ഷട്ടിൽ ബാഡ്മിന്റൺ(പുരുഷൻ, വനിത), 12 മുതൽ ബാസ്‌കറ്റ് ബോൾ, 2ന് ഫുട്‌ബോൾ, 3ന് വടംവലി മത്സരങ്ങളും നടക്കും. വൈകിട്ട് 5ന് സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ .ടി ബിനു ഉദ്ഘാടനം ചെയ്യും. വി.പി ജോൺ അദ്ധ്യക്ഷനാകും.