കട്ടപ്പന : അടിക്കടി ഉണ്ടാകുന്ന വൈദ്യുതി ചാർജ് വർദ്ധന സാധാരണ ജനങ്ങളുടെ കുടുംബ ബഡ്ജറ്റിനെ തന്നെ താളം തെറ്റിക്കുന്നത്തിനൊപ്പം വ്യാപാരികൾക്കും വലിയ പ്രതിസന്ധി വരുത്തുകയാണ്. വൈദ്യുത ചാർജ് വർദ്ധിപ്പിക്കുന്ന നടപടിക്കെതിരെ മർച്ചന്റ് അസോസിയേഷൻ സംസ്ഥാന വ്യാപകമായി ആഹ്വാനം ചെയ്തിരിക്കുന്ന പ്രതിഷേധ പരിപാടിയോട് അനുബന്ധിച്ചാണ് കട്ടപ്പന മർച്ചന്റ് അസോസിയേഷന്റെ നേതൃത്വത്തിൽ പന്ദം കൊളുത്തി പ്രകടനവും പ്രതിഷേധ ധർണയും നടത്തിയത്. കട്ടപ്പന കെ.എസ്.ഇ.ബി ഓഫീസിനു മുൻപിൽ നടന്ന ധർണ കട്ടപ്പന മർച്ചന്റ് അസോസിയേഷൻ പ്രസിഡന്റ് സാജൻ ജോർജ് ഉദ്ഘാടനം ചെയ്തു. മർച്ചന്റ് അസോസിയേഷൻ വർക്കിംഗ് പ്രസിഡന്റ് സിജോമൻ ജോസ് , ജോഷി കുറ്റട,കെ പി ബഷീർ,കെ പി ഹസൻ,ഷിയാസ് എ കെ, വി ബൈജു എന്നിവർ നേതൃത്വം നൽകി.