കുമളി: മുല്ലപ്പെരിയാർ അണക്കെട്ടിലേക്കുള്ള നീരൊഴുക്ക് കുറഞ്ഞു. ഇന്നലെ വൈകിട്ട് നാലിന് 128.65 അടിയാണ് ഡാമിലെ ജലനിരപ്പ്. ഡാമിന്റെ വൃഷ്ടിപ്രദേശത്ത് ഇന്നലെ പകൽ മഴ കുറവായിരുന്നതിനാൽ അണക്കെട്ടിലേക്കുള്ള നീരൊഴുക്ക് സെക്കൻഡിൽ 7000 ഘനയടിയായി കുറഞ്ഞു. ഇന്നലെ രാവിലെ അണക്കെട്ടിലേക്കുള്ള നീരൊഴുക്ക് സെക്കൻഡിൽ 17651.67 ഘനയടിയും ജലനിരപ്പ് 127.65 അടിയുമായിരുന്നു. വെള്ളിയാഴ്ച രാവിലെ മുതൽ ഒമ്പത് മണിക്കൂറിൽ നാലര അടി വെള്ളം ഉയർന്ന് വൈകിട്ട് നാലിന് 124.5 അടിയായിരുന്നു.