കട്ടപ്പന : 92 ആമത് ശിവഗിരി തീർത്ഥാടനത്തിന്റെ ഭാഗമായി കേരളത്തിന്റെ വിവിധ ഭാഗങ്ങളിൽ നിന്ന് 10 ദിവസത്തെ വ്യതശുദ്ധിയോടെ ഭക്തജനങ്ങൾ പദയാത്ര നടത്തി വരുന്നു.ശിവഗിരി മഠത്തിന്റെ ശാഖാശ്രമമായ കുമളി ശ്രീനാരായണ ധർമ്മാശ്രമത്തിൽ നിന്നും 2008 മുതൽ ശിവഗിരി മഠത്തിലെ ഗുരു പ്രകാശം സ്വാമികളുടെ നേതൃത്ത്വത്തിൽ കിഴക്കൻ മേഖല പദയാത്ര 0 മുതൽ 29 വരെ നടത്തും.. പദയാത്രയുടെ ഫ്ളാഗ് ഓഫ് വെള്ളിയാഴ്ച രാവിലെ 7 ന് കുമളി ശ്രീനാരായണ ധർമ്മാശ്രമത്തിൽ നടക്കും.എസ് എൻ ഡി പി യോഗം മലനാട് യൂണിയൻ പ്രസിഡന്റ് ബിജു മാധവൻ, പീരുമേട് യൂണിയൻ പ്രസിഡന്റ' ചെമ്പൻകുളം ഗോപി വൈദ്യൻ എന്നിവർ ചേർന്ന് ഫ്ളാഗ് ഓഫ് നിർവഹിക്കും.ഗുരു പ്രകാശം സ്വാമികൾ ആചാര്യ പദം അലങ്കരിക്കും. അണക്കര, പുളിയന്മല കട്ടപ്പന, മുണ്ടക്കയം വഴി 29 ന് ശിവഗിരിയിൽ എത്തിച്ചേരും. 200 ൽ പരം ഭക്തജനങ്ങൾ പദയാത്രയിൽ അണിചേരുമെന്ന് സുരേഷ് ശ്രീധരൻ തന്ത്രി കെ എൻ തങ്കപ്പൻ ,സത്യവ്യതൻ ബാലഗ്രാം, രവിലാൽ പാമ്പാടുംപാറ, ശരത്ത് തേഡ്ക്യാമ്പ്, പി എസ് വിജയൻ പറഞ്ഞു