പീരുമേട്: ശബരിമല മകരവിളക്ക് മഹോത്സവുമായി ബന്ധപ്പെട്ട മകരജ്യോതി ദർശനത്തിന് എത്തുന്ന ഭക്തർക്ക് പുല്ലുമേട്ടിലും പുല്ലുമേട്ടിലേക്കുള്ള കാനനപാതയിലും ആവശ്യമായ വെളിച്ച സംവിധാനം ഏർപ്പെടുത്തുന്നതിന് ക്വട്ടേഷൻ ക്ഷണിച്ചു. വള്ളക്കടവ് നാലാം മൈൽ കവലയിൽ (കോഴിക്കാനം )നിന്നും ഉപ്പുപാറ വഴി പുല്ലുമേട് വ്യുപോയിന്റ് വരെയുള്ള ഏകദേശം 11.1 കി.മീ (കാനനപാതയിലുൾപ്പെടെ) ദൂരത്തിലും കോഴിക്കാനത്ത് നിന്നും കെ.എസ്.ആർ.ടി.സി പാർക്ക് ചെയ്യുന്ന ഗവി റൂട്ടിൽ ഉദ്ദേശം 1 കി.മീ ദൂരത്തിലും മകരജ്യോതി ദർശനദിനമായ ജനുവരി 14 ന് ജനറേറ്ററുകളും ട്യൂബുകളും ആവശ്യമായ മറ്റ് അനുബന്ധ സാമഗ്രികളും ഉപയോഗിച്ച് വെളിച്ചം ഏർപ്പെടുത്തുന്നതിനാണ് ക്വട്ടേഷൻ. ഈ സാമഗ്രികളുടെ വാടക, ജോലിക്കായി ട്രാൻസ്‌പോർട്ടേഷൻ കയറ്റിയിറക്ക്, മറ്റ് അനുബന്ധ ചെലവുകൾ എന്നിവ ഉൾപ്പെടുത്തി അടങ്കൽ തുകയ്ക്കുള്ള ക്വട്ടേഷനുകളാണ് സമർപ്പിക്കേണ്ടത്. താൽക്കാലികമായി സ്ഥാപിക്കുന്ന വൈദ്യുതോപകരണങ്ങൾ സുരക്ഷിതമായിരിക്കണം. കരാർ ഏറ്റെടുക്കുന്ന വ്യക്തികൾ, സ്ഥാപനങ്ങൾ ബന്ധപ്പെട്ട അധികാരികൾ നൽകുന്ന സുരക്ഷാ നിർദ്ദേശങ്ങൾ പാലിക്കണം. താൽപ്പര്യമുള്ള വ്യക്തികളും സ്ഥാപനങ്ങളും ജനുവരി 3 ന് ഉച്ചകഴിഞ്ഞ് 3 ന് മുമ്പായി തഹസിൽദാർ, പീരുമേട് എന്ന വിലാസത്തിൽ മുദ്ര വെച്ച കവറിൽ ക്വട്ടേഷൻ സമർപ്പിക്കണം. ഫോൺ: 04869 232077.