രാജാക്കാട്: ക്രിസ്തുമസിന്റെ ഭാഗമായി രാജാക്കാട് ക്രിസ്തുരാജഫെറോന പള്ളിയുടേയും മതസൗഹാർദ്ദ കൂട്ടായ്മയുടെയും നേതൃത്വത്തിലാണ് നാലാം വർഷവും മതസൗഹാർദ്ദ കരോൾ നടത്തിയത്.അലങ്കരിച്ച വാഹനത്തിലെ പുൽക്കൂടും ഉണ്ണിയേശുവും അവർക്കകമ്പടിയായി നടന്നു നീങ്ങിയ കുഞ്ഞുമാലാഖമാരും,ക്രിസ്മസ് പാപ്പാമാരും,ഗായകസംഘവും ഇടവക ജനവുമെല്ലാം കരോളിന് മാറ്റ് കൂട്ടി.മതസൗഹാർദ്ദ കൂട്ടായ്മ ഭാരവാഹികൾ കരോൾ കടന്നുപോയ റോഡരികിലെ കടകളിലും സ്ഥാപനങ്ങളിലും ക്രിസ്മസ് കേക്കുകൾ വിതരണം ചെയ്താണ് ക്രിസ്മസിന്റെ സന്തോഷം പങ്കുവച്ചത്.കരോൾ റാലി സമാപിച്ചപ്പോൾ ടൗണിൽ കരോൾ സന്ദേശവും,ഫ്ളാഷ് മോബും,കരോൾ ഗാനാലാപനവും,പാപ്പ ഡാൻസും നടത്തി.വികാരി ഫാ മാത്യു കരോട്ടുകൊച്ചറയ്ക്കൽ, സഹവികാരി ഫാ.ജോയൽ വള്ളിക്കാട്ട്,മതസൗഹാർദ്ദ കൂട്ടായ്മ ചെയർമാൻ എം.ബി ശ്രീകുമാർ,കോർഡിനേറ്റർ വി.എസ് ബിജു,ഇമാം നിസാർ ബാദ്രി, പി.ബി മുരളിധരൻനായർ,
ബിനോയി കൂനംമാക്കൽ,സിബി കൊച്ചുവള്ളാട്ട്,വി.വി ബാബു, കെ.എം സുധീർ,വി.എസ് അരുൺ പ്രസാദ്,ജമാൽ ഇടശ്ശേരിക്കുടി,പ്രതീഷ് വൈദ്യർ, ഷൈൻ വരിക്കമാക്കൽ, അബ്ദുൾ കലാം,കെ.ജി മഹേഷ്, എ.ഹംസ,ജോഷി കന്യാക്കുഴി എന്നിവർ നേതൃത്വം നൽകി.

ചിത്രം: രാജാക്കാട് മതസൗഹാർദ്ദ കരോളിന്റെ ഭാഗമായി നടത്തിയ ഫ്ളാഷ് മോബ്‌