കട്ടപ്പന : ഉപ്പുതറ പരപ്പ് മാർത്തോമാ ഭവൻ ചാവറ റിന്യൂവൽ സെന്ററിൽ വിശുദ്ധ ചാവറ പിതാവിന്റെ തിരുനാളും 1500 വിശുദ്ധരുടെ തിരുശേഷിപ്പ് വണക്കവും ജനുവരി 1,2,3 തീയതികളിൽ നടക്കും. 1ന് രാവിലെ 6ന് ആരാധന, ജപമാല, 6.30ന് കുർബാന, നൊവേന എന്നിവക്ക് ഫാ. എഫ്രേം കുന്നപ്പള്ളി നേതൃത്വം നൽകും., 7.30ന് മാർ ജേക്കബ് മുരിക്കൻ സന്ദേശം നൽകും. വൈകിട്ട് 5ന് കുർബാന, നൊവേന എന്നിവക്ക് ഫാ. വർഗീസ് കുളംപള്ളി നേതൃത്വം നൽകും. 2ന് രാവിലെ 6ന് ആരാധന, ജപമാല, 6.30ന് കുർബാന, നൊവേന എന്നിവക്ക് ഫാ. ലിജോ കൊച്ചുവീട്ടിൽ നേതൃത്വം നൽകും.
വൈകിട്ട് 5ന് കുർബാന, നൊവേന എന്നിവക്ക് ഫാ. ഡൊമിനിക് കാഞ്ഞിരത്തിനാൽ നേതൃത്വം നൽകും.
തിരുനാൾ ദിനങ്ങളിൽ രാവിലെ 8 മുതൽ രാത്രി 10 വരെ തിരുശേഷിപ്പുകൾ വണങ്ങാൻ അവസരമുണ്ട്. തിരുശേഷിപ്പ് കസ്റ്റോഡിയൻ ഫാ. അബ്രാഹം കുന്നപ്പള്ളി നേതൃത്വം നൽകും. സംസ്ഥാനത്തിന്റെ വിവിധ സ്ഥലങ്ങളിൽനിന്നായി 10,000ലേറെ പേർ പങ്കെടുക്കുമെന്ന് ഫാ. ജോൺസൺ പന്തലാനിക്കൽ, റോയി എബ്രാഹം പുതുപ്പറമ്പിൽ, രാജൻ ജോസഫ് എന്നിവർ അറിയിച്ചു.