പാനൂർ:പാട്യം ഗ്രാമപഞ്ചായത്ത് കൃഷിഭവന്റെ ആഭിമുഖ്യത്തിൽ പോഷക തോട്ടം കിറ്റ് വിതരണ ഉദ്ഘാടനം പാട്യം ഗ്രാമപഞ്ചായത്ത് പ്രസിഡന്റ് എൻ.വി.ഷിനിജ നിർവഹിച്ചു. കൃഷി വകുപ്പിന്റെ പോഷക സമൃദ്ധി മിഷൻ പദ്ധതിയുടെ ഭാഗമായി 880 രൂപ വിലയുള്ള പോഷകതോട്ട കിറ്റ് അപേക്ഷകർക്ക് 380 രൂപയ്ക്ക് ആണ് വിതരണം നടത്തിയത്.വിവിധ ഇനം പച്ചക്കറി തൈകൾ, മുരിങ്ങ, അഗത്തി ചീര, കുമ്മായം, സമ്പൂർണ (സൂക്ഷ്മ മൂലക മിശ്രിതം), സ്യൂഡോമോണസ്, ട്രൈക്കോടർമ, ഫിഷ് അമിനോ ആസിഡ്, സമ്പുഷ്ട്ടീകരിച്ച കമ്പോസ്ര് വളം, ജൈവ കീടനാശിനി എന്നിവയാണ് ഉൾപ്പെടുത്തിയിട്ടുള്ളത്.പാട്യം ഗ്രാമപഞ്ചായത്ത് വൈസ് പ്രസിഡന്റ് കെ.പി.പ്രദീപ്കുമാർ, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സുജാത ,ആരോഗ്യകര സ്റ്റാൻഡിംഗ് കമ്മിറ്റി ചെയർപേഴ്സൺ ശോഭ കോമത്ത് , വാർഡ് മെമ്പർമാർ, കൃഷിഭവൻ ഉദ്യോഗസ്ഥർ , കർഷകർ തുടങ്ങിയവർ പങ്കെടുത്തു.