ചെറുവത്തൂർ: കാസർകോട് വികസന പാക്കേജിൽ ഉൾപ്പെടുത്തി തൃക്കരിപ്പൂർ മണ്ഡലത്തിലെ 10 പദ്ധതികൾക്ക് 6.75 കോടി രൂപയുടെ ഭരണാനുമതി ലഭിച്ചതായി എം.രാജഗോപാലൻ എം.എൽ.എ അറിയിച്ചു. ഇന്നലെ ജില്ലാ കളക്ടർ കെ.ഇമ്പശേഖറിന്റെ അദ്ധ്യക്ഷതയിൽ ചേർന്ന ജില്ലാതല സമിതിയിലാണ് പദ്ധതികൾക്ക് അംഗീകാരം നൽകിയത്.

വെസ്റ്റ് എളേരി ഗ്രാമപഞ്ചായത്തിലെ പറമ്പ ജി.എൽ.പി സ്‌കൂളിന് കെട്ടിട നിർമ്മാണത്തിന് 1.55 കോടി രൂപ, കമ്മാടം ജി.എൽ.പി സ്‌കൂളിന് കെട്ടിട നിർമ്മാണത്തിന് 1.52കോടി രൂപ, പെരുമ്പട്ട ജി.എൽ.പി സ്‌കൂളിന് കെട്ടിട നിർമ്മാണത്തിന് ഒരു കോടി രൂപ, കയ്യൂർ ചീമേനി ഗ്രാമപഞ്ചായത്തിലെ വെള്ളാട്ട് ജി.എൽ.പി സ്‌കൂളിന് കെട്ടിട നിർമ്മാണത്തിന് 1.47 കോടി രൂപ, വലിയപറമ്പ് ഗ്രാമപഞ്ചായത്തിലെ പടന്നക്കടപ്പുറം ജി.എഫ്.എച്ച്.എസ് സ്‌കൂളിന് സമഗ്ര കായിക വികസനത്തിനായി 34 ലക്ഷം രൂപ എന്നിങ്ങനെയാണ് തുക അനുവദിച്ചിട്ടുള്ളത്

ഈസ്റ്റ് എളേരി ഗ്രാമപഞ്ചായത്തിലെ അരിയിരുത്തി, വെസ്റ്റ് എളേരി ഗ്രാമപഞ്ചായത്തിലെ കൂരാംകുണ്ട്, ചെറുവത്തൂർ ഗ്രാമപഞ്ചായത്തിലെ പുതിയകണ്ടം, പടന്ന ഗ്രാമപഞ്ചായത്തിലെ മാച്ചിക്കാട്, ഈസ്റ്റ് എളേരി ഗ്രാമപഞ്ചായത്തിലെ അത്തിയടുക്കം തുടങ്ങിയ അങ്കണവാടികൾ സ്മാർട്ട് ആയി ഉയർത്തുന്നതിന് 2.2 കോടി രൂപയും അനുവദിച്ചു. വീരമലക്കുന്ന് ടൂറിസം റോഡിന് നേരത്തെ 5 കോടി രൂപ അനുവദിച്ചിരുന്നുവെന്നും എം.എൽ.എ.അറിയിച്ചു.