തളിപ്പറമ്പ്: ധർമ്മശാല അഞ്ചാംപീടിക ചെറുകുന്ന് തറ റൂട്ടിൽ സർവ്വീസ് നടത്തുന്ന ബസുകൾ ജനുവരി 3 മുതൽ അനിശ്ചിത കാല പണിമുടക്കു നടത്തുമെന്ന് ബസ്സുടമ സംഘടനകളും സംയുക്ത തൊഴിലാളി സംഘടനകളും അറിയിച്ചു.

തളിപ്പറമ്പ് ധർമ്മശാല അഞ്ചാംപീടിക ചെറുകുന്ന് തറ റൂട്ടിൽ അടിപ്പാത നിർമ്മിച്ചിരിക്കുന്നത് ബസുകൾക്ക് കടന്നുപോകുവാൻ പറ്റാത്ത രീതിയിലാണ്. ഈ വിഷയത്തിൽ ബസുടമസ്ഥരുടെ സംഘടന നിരവധി തവണ അധികൃതർക്ക് പരാതി നൽകിയിരുന്നുവെങ്കിലും അനുകൂലമായ നടപടിയൊന്നും സ്വീകരിച്ചിട്ടില്ല. ഇതിൽ പ്രതിഷേധിച്ച് ഈ റൂട്ടിൽ സർവ്വീസ് നടത്തുന്ന മുഴുവൻ ബസുകളും ജനുവരി 3 മുതൽ അനശ്ചിതകാലത്തേക്ക് സർവ്വീസ് നിർത്തിവെക്കുമെന്നാണ് ബസുടമസ്ഥ സംഘടനകളും, സംയുക്ത തൊഴിലാളി സംഘടനകളും അറിയിച്ചത്.