മാഹി: ശ്രീനാരായണ ബി.എഡ് കോളേജ് രാജ്യത്തെ ഉന്നത വിദ്യാഭ്യാസ കൗൺസിലായ നാകിന്റെ ബി ഗ്രേഡ് പദവിക്ക് അർഹമായി. കഴിഞ്ഞ 28 വർഷമായി മാഹിയിൽ പ്രവർത്തിച്ചുവരുന്ന ഈ സ്ഥാപനത്തിൽ നിന്നും മൂവായിരത്തിലേറെ അദ്ധ്യാപക പരിശീലനം നേടിയവർ ദേശത്തും വിദേശങ്ങളിലുമായി ജോലി നോക്കുന്നുണ്ടെന്ന് കോളേജ് മാനേജ്‌മെന്റ് കമ്മിറ്റി ചെയർമാൻ ഡോ. എൻ.കെ.രാമക്യഷ്ണൻ വാർത്താ സമ്മേളത്തിൽ പറഞ്ഞു.
മാഹിയിൽ വിദ്യാഭ്യാസ പരിശീലന മേഖലയിലെ വിവിധങ്ങളായ പ്രവർത്തനമികവിന് ഉന്നത വിദ്യാഭ്യാസ കൗൺസിലിന്റെ അംഗീകാരം കിട്ടുന്ന ആദ്യത്തെ കോളേജ് കൂടിയാണ് ശ്രീനാരായണ ബി.എഡ്. കോളേജ്. പ്രിൻസിപ്പൽ ഡോ. വി.അനിൽകുമാർ, ഡോ. മുഹമ്മദ് കാസിം, ടി.വി.ശ്രീകുമാർ എന്നിവരും വാർത്താസമ്മേളനത്തിൽ സംബന്ധിച്ചു.