പയ്യോളി: സമഗ്ര വിദ്യാലയ പദ്ധതി രൂപീകരണത്തിന്റെ ഭാഗമായി മേലടി ശ്രീനാരായണ ഭജനമഠം ഗവ.യു .പി സ്കൂളിൽ നടത്തിയ വികസന സെമിനാർ പയ്യോളി നഗരസഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ പി.എം.റിയാസ് ഉദ്ഘാടനം ചെയ്തു. പി .ടി. എ പ്രസിഡന്റ് വി.കെ.മുനീർ അദ്ധ്യക്ഷത വഹിച്ചു.മേലടി ഉപജില്ല വിദ്യാഭ്യാസ ഓഫീസർ പി.ഹസീസ് മുഖ്യപ്രഭാഷണം നടത്തി. ബി.പി.സി അനുരാജ്.വി, എം.സി.പ്രമോദ്, അജയകുമാർ, കെ.കെ.പ്രേമൻ, സി.പ്രമോദ്, ടി.പി. വിവേക്, ഷിനിത, പി.കെ.വിജയൻ, സിന്ധു.എൻ, കെ.സറീന, ദീപ ആർ.എസ്, ശ്രേയ ഷിജിത്ത് എന്നിവർ പ്രസംഗിച്ചു. സ്കൂൾ പി.ടി.എ, എസ്.എം.സി, എസ്.എസ്.ജി അംഗങ്ങൾ, വിദ്യാഭ്യാസ പ്രവർത്തകർ, അദ്ധ്യാപകർ, പൂർവാദ്ധ്യാപകർ, രക്ഷിതാക്കൾ, വിദ്യാർത്ഥികൾ തുടങ്ങിയവർ പങ്കെടുത്തു. കുട്ടികളും അദ്ധ്യാപകരും പങ്കെടുത്ത സ്കൂൾ സഭയിൽ എന്റെ സ്വപ്നത്തിലെ വിദ്യാലയം ചർച്ച നടത്തി.