ഫറോക്ക് : കുടിവെള്ള പദ്ധതികൾ കാര്യക്ഷമമാക്കുക, ഫറോക്ക് - വെസ്റ്റ് നല്ലൂർ റോഡിലെ ഗതാഗത പ്രശ്നം പരിഹരിക്കുക തുടങ്ങിയ ആവശ്യങ്ങൾ ഉന്നയി​ച്ച് സി.പി​.ഐ ഫറോക്ക് ലോക്കൽ കമ്മിറ്റിയുടെ നേതൃത്വത്തിൽ ​ഫറോക്ക് മുനിസിപ്പൽ ഓഫീസിലേക്ക് മാർച്ചും ​ ധർണയും നടത്തി. റെയിൽവേ സ്റ്റേഷൻ പരിസരത്തു നിന്നാരംഭിച്ച മാർച്ച് മുനിസിപ്പൽ ഓഫീസിനു മുന്നിൽ സമാപിച്ചു. സി.പി.ഐ ​ ജില്ലാ അസി. സെക്രട്ടറി പി.കെ.നാസർ ഉദ്ഘാടനം ചെയ്തു. ഫറോക്ക് ലോക്കൽ സെക്രട്ടറി എം.എ ബഷീർ അദ്ധ്യക്ഷത വഹിച്ചു. ബേപ്പൂർ മണ്ഡലം സെക്രട്ടറി മുരളി മുണ്ടേങ്ങാട്ട്, എ .ടി .റിയാസ് അഹമ്മദ്, വിജയകുമാർ പൂതേരി,​ ചന്ദ്രമതി തൈത്തോടൻ, മജീദ് വെൺമരത്ത്, രാജൻ പട്ടാഞ്ചേരി എന്നിവർ പ്രസംഗിച്ചു. ഒ.ഭക്തവത്സലൻ സ്വാഗതവും സി.രാജൻ നന്ദിയും പറഞ്ഞു.