മേപ്പയ്യൂർ: പേരാമ്പ്ര മണ്ഡലം വനിതാ ലീഗ് സന്നദ്ധ സേന പരിശീലനം മേപ്പയ്യൂർ ടി.കെ കൺവെൻഷൻ സെന്ററിൽ ജില്ലാ മുസ്‌ലിം ലീഗ് ജന.സെക്രട്ടറി ടി.ടി ഇസ്മായിൽ ഉദ്ഘാടനം ചെയ്തു. മണ്ഡലം വനിതാ ലീഗ് പ്രസിഡന്റ് ഷർമിന കോമത്ത് അദ്ധ്യക്ഷത വഹിച്ചു. സന്നദ്ധസേന കോഓർഡിനേറ്റർ എം.കെ.സി കുട്യാലി പദ്ധതി വിശദീകരിച്ചു. ടി.പി മുഹമ്മദ്, കമ്മന അബ്ദുറഹിമാൻ, എം.എം അഷറഫ്, എന്നിവർ പ്രസംഗിച്ചു. ആസ്റ്റർ മിംസ് എമർജൻസി മെഡിസിൻ ഡിപ്പാർട്ട്മെന്റ് ട്രെയിനിംഗ് കോഓർഡിനേറ്റർ ഡോ:എം പി മുനീർ, ട്രോമ മാനേജ്മെന്റർ ഇന്റർ നാഷണൽ ഫൗണ്ടേഷൻ ടീം അംഗം പി.പി സജിത്, ഇ.എം സി.ടി ട്രെയിനർമാരായ എ സറീന, സി ഷിംന, പാമ്പുപിടുത്ത വിദഗ്ദൻ സുരേന്ദ്രൻ കരിങ്ങാട് എന്നിവർ നേതൃത്വം നൽകി.