മുക്കം: ഈ മാസം 23 മുതൽ 27 വരെ തെലങ്കാനയിലെ ബെല്ലംപള്ളിയിൽ നടക്കുന്ന സബ്ജൂനിയർ യൂത്ത് നാഷണൽ സോഫ്റ്റ്ബേസ്ബോൾ ചാമ്പ്യൻഷിപ്പിൽ പങ്കെടുക്കുന്ന കേരള ടീമിൻ്റെ പരിശീലന ക്യാമ്പ് മാമ്പറ്റ ഡോൺ ബോസ്കോ കോളേജ് ഗ്രൗണ്ടിൽ ആരംഭിച്ചു. സംസ്ഥാന ചാമ്പ്യൻഷിപ്പിൽ നിന്ന് തിരഞ്ഞെടുത്ത 40 വീതം ആൺകുട്ടികളും പെൺകുട്ടികളുമാണ് ക്യാമ്പിൽ പങ്കെടുക്കുന്നത്. അസോസിയേഷൻ സംസ്ഥാന പ്രസിഡന്റ് ഗിരീഷ് ജോൺ ബാറ്റ് നൽകി ക്യാമ്പ് ഉദ്ഘാടനം ചെയ്തു. ഫാ. ഡോ. ജോബി എം എബ്രഹാം അദ്ധ്യക്ഷത വഹിച്ചു. സലീം കൊളായിൽ മുഖ്യാതിഥിയായി. സന്തോഷ് മരുതോലിൽ, വിപിൻ സോജൻ, രാഹൂൽ കൃഷ്ണ, കെ.അക്ഷയ്, ജെ ഷഹനാസ്, പി.എം.എഡ്‌വേർഡ് പ്രസംഗിച്ചു.