കോ​ഴി​ക്കോട്: എ​ര​ഞ്ഞി​പ്പാ​ലം മർ​ക്ക​സ് ഇന്റർ നാഷ​ണൽ സ്​കൂ​ളി​ന് പി​ന്നി​ലെ ത​ണ്ണീർ​ത്തടം മ​ണ്ണി​ട്ടു​നി​കത്തി​യ സം​ഭ​വത്തിൽ ഭൂ​വു​ട​മ​കൾ​ക്ക് നോ​ട്ടീ​സ​യ​ച്ച് ജില്ലാ ക​ള​ക്ടർ. സ​രോവ​രം ബ​യോ​പാർ​ക്കി​ന് സ​മീപ​ത്തെ ത​ണ്ണീർ​ത്ത​ട​ങ്ങൾ കൈ​യേ​റു​ന്ന​തു​മാ​യി ബ​ന്ധ​പ്പെ​ട്ട് ക​ഴി​ഞ്ഞ ഇ​രുപ​ത് ദി​വ​സ​ത്തോ​ള​മാ​യി പ്ര​ദേ​ശ​വാ​സി​കൾ സ​മ​ര​ത്തി​ലാ​യി​രുന്നു. തി​ങ്ക​ളാഴ്​ച സ്ഥ​ലം സ​ന്ദർ​ശി​ച്ച ജില്ലാ കള​ക്ടർ സ്‌​നേഹിൽ കുമാർ സിം​ഗ് സ്ഥ​ല​മു​ട​മക​ളെ വി​ളി​ച്ചു​വ​രു​ത്തി ഹി​യ​റിം​ഗ് ന​ട​ത്തു​മെ​ന്ന് പ്ര​ദേ​ശ​വാ​സി​കൾ​ക്ക് ഉ​റ​പ്പു​നൽ​കി​യി​രു​ന്നു. മ​ണ്ണി​ട്ട് നി​കത്തി​യ പ്ര​ദേ​ശ​ത്തു​നിന്നും മ​ണ്ണ് നീ​ക്കം ചെ​യ്യാ​മെന്നും റ​വന്യൂ അ​ധി​കൃ​തർ നാ​ട്ടു​കാർ​ക്ക് ഉറ​പ്പ് നൽ​കി​യി​രുന്നു.
മർ​ക്ക​സ് ഇന്റർ നാഷ​ണൽ സ്​കൂ​ളി​ന് പി​ന്നി​ലെ ഡാ​റ്റാ ബാ​ങ്കി​ലുൾ​പ്പെട്ട 25 സെ​ന്റോ​ളം ത​ണ്ണീർത്തടം മ​ണ്ണി​ട്ട് നി​ക​ത്തിയ​ത് നാ​ട്ടു​കാ​രു​ടെ ശ്ര​ദ്ധ​യിൽ​പ്പെ​ട്ട​തോ​ടെ​യാ​ണ് വിവ​രം പു​റ​ത്ത​റി​ഞ്ഞ​ത്. സ​രോവ​രം ബ​യോ​പാർ​ക്കി​നു സ​മീപ​ത്തെ മു​ഴു​വൻ ത​ണ്ണീർ​ത്തട പ്ര​ദേ​ശ​ത്തെയും ' റാം​സൺ' സൈ​റ്റാ​യി പ്ര​ഖ്യാ​പി​ച്ച് സം​ര​ക്ഷി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. ഇതിൽ അന്തി​മ തീ​രു​മാ​ന​മെ​ടു​ക്കേണ്ട​ത് കേ​ന്ദ്ര വ​നം പ​രി​സ്ഥി​തി മ​ന്ത്രാ​ല​യ​മാണ്. ഇ​തു​മാ​യി ബ​ന്ധ​പ്പെ​ട്ട എല്ലാ രേ​ഖ​കളും കോർ​പ്പ​റേ​ഷൻ സംസ്ഥാ​ന ത​ണ്ണീർ​ത്ത​ട അ​തോ​റി​റ്റി​ക്ക് കൈ​മാ​റി​യ​തായി വാർഡ് മെമ്പർ എം.എൻ പ്രവീൺ പറഞ്ഞു.