വടകര: കണ്ണൂർ - കോഴിക്കോട് ദേശീയപാതയിലെ വാഹന പരിശോധനയിൽ. സ്കൂട്ടറിൽ കടത്തുകയായിരുന്ന മാഹിമദ്യവുമായി യുവാവ് എക്സൈസിൻ്റെ പിടിയിലായി. തളിപ്പറമ്പ് പയ്യാവൂർ പലയാട് മുട്ടത്തിൽ മിഥുൻ തോമസ് (31) നെയാണ് 42 കുപ്പികളിലായി 21 ലിറ്റർ മാഹി മദ്യവുമായി വടകര എക്സൈസ് പിടികൂടി കേസെടുത്തത്. കഴിഞ്ഞ രാത്രി എട്ടരയോടെ വടകര എക്സൈസ് റേഞ്ച് ഓഫീസിലെ അസി. എക്സൈസ് ഇൻസ്‌പെക്ടർ ഗ്രേഡ് ജയരാജൻ കെ.എ യുടെ നേതൃത്വത്തിലുള്ള പരിശോധനയിൽ വിജയൻ വി.സി, വിനീത് എം.പി, മുഹമ്മദ്‌ റമീസ് കെ, അഖിൽ കെ.എം, തുഷാര ടി.പി, രാജൻ പി എന്നിവർ പങ്കെടുത്തു. ക്രിസ്മസ് -ന്യൂ ഇയർ.സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിൽ വടകര എക്സൈസ് രണ്ടാഴ്ചക്കുള്ളിൽ കേരളത്തിൽ വില്പനാധികാരമില്ലാത്ത മാഹി വിദേശമദ്യം കടത്തിയ മൂന്ന് വാഹനങ്ങളിൽ നിന്ന് 400 ലിറ്ററോളും മാഹി മദ്യം പിടിച്ചെടുത്തു.