രാമനാട്ടുകര : രാമനാട്ടുകര നഗരസഭ​ , കുടുംബശ്രീ​ ഇസാഫ് ഫൗണ്ടേഷ​ൻ എന്നിവയുടെ സംയുക്താഭിമുഖ്യത്തിൽ ക്രിസ്മസ്​-പുതുവത്സര ആഘോഷങ്ങളുടെ ഭാഗമായി ​ നഗരസഭയിലെ വനിതാ സംരംഭകരുടെ ഉത്പന്ന പ്രദർശനവും വിൽപ്പനയും ആരംഭിച്ചു​. 23ന് സമാപിക്കും. വിവിധ ഡിവിഷനുകളിൽ നിന്നായി പത്തോളം സംരംഭകരാണ് വിപണന മേളയിൽ പങ്കെടുക്കുന്നത്. നഗരസഭ ചെയർപേഴ്സൺ​ ബുഷറ റഫീഖ് ഉദ്ഘാടനം ചെയ്തു. ​ ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ​ വി എം​. പുഷ്പ അ​ദ്ധ്യക്ഷത വഹിച്ചു. ​ വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ കെ​.നദീറ​, കൗൺസിലർ അൻവർ സാദിക്ക്​, ഇസാഫ് സീനിയർ പ്രോജക്ട് കോ ഓർഡിനേറ്റർ​, ​ കെ. സബിൻ ഇസാഫ് ബാങ്ക് ഹെഡ് എൻ വി നിഖില തുടങ്ങിയവർ പ്രസംഗിച്ചു. കുടുംബശ്രീ സി.ഡി.എസ് ചെയർപേഴ്സൺ ഷാജിലത സ്വാഗതവും കെ.പ്രമീള നന്ദിയും പറഞ്ഞു.