വടകര: കോളേജ് ഓഫ് എൻജിനീയറിംഗ് വടകരയിലെ കമ്പ്യൂട്ടർ സയൻസ് വിഭാഗവും ടെക് ബൈ ഹാർട്ടും ചേർന്ന് സൈബർ സുരക്ഷ ബോധവത്ക്കരണ പരിപാടി സംഘടിപ്പിച്ചു. സൈബർ സ്മാർട്ട് 2024 എന്ന പേരിൽ ഇന്ത്യയൊട്ടാകെ ടെക് ബൈ ഹാർട്ട് നടത്തുന്ന സൈബർ സുരക്ഷ ബോധവത്ക്കരണ പരിപാടിയുടെ സമാപനത്തിൻ്റെ ഭാഗമായാണ് സെമിനാർ. സൈബർ സെക്യൂരിറ്റി ആൻ്റ് എത്തിക്കൽ ഹാക്കിംഗ് എന്ന വിഷയത്തിൽ നടന്ന സെമിനാർ കോഴിക്കോട് റൂറൽ എസ്.പി നിഥിൻ രാജ് ഉദ്ഘാടനം ചെയ്തു. പ്രിൻസിപ്പൽ വിനോദ് പൊട്ടക്കുളത്ത് അദ്ധ്യക്ഷത വഹിച്ചു. പ്രൊഫ. ശ്രീന എസ്,​ ശ്രീ നാഥ് ഗോപിനാഥ്,​ നിഥിൻ.റ്റി,​ ഹിനിഷ കെ.വി എന്നിവർ പ്രസംഗിച്ചു. ടെക് ബൈ ഹാർട്ടുമായി കോളേജ് ഓഫ് എൻജിനീയറിങ് വടകര ധാരണാപത്രം ഒപ്പുവെച്ചു. നീരജ് ഒ സെമിനാർ നയിച്ചു.