കോട്ടയം : ബിവറേജസ് കോർപ്പറേഷനിൽ ജോലി ചെയ്യുന്ന വനിതാ ജീവനക്കാർക്ക് ജില്ലാ പൊലീസ് സ്വയം പ്രതിരോധ പരിശീലനം നൽകി. കോട്ടയം അഡീഷണൽ എസ്.പി വിനോദ് പിള്ള ഉദ്ഘാടനം ചെയ്തു. ജില്ലാ പൊലീസിലെ പ്രത്യേക പരിശീലനം ലഭിച്ച വനിതാ ഉദ്യോഗസ്ഥരാണ് ക്ലാസുകൾ നയിച്ചത്. തൊഴിലിടങ്ങളിൽ സ്ത്രീകൾക്ക് സ്വയം സുരക്ഷ ഉറപ്പാക്കുന്നതിനും, അവർ നേരിടുന്ന പ്രശ്നങ്ങളെ അതിജീവിക്കുന്നതിനായാണ് പരിശീലന പരിപാടി സംഘടിപ്പിച്ചത്. ചടങ്ങിൽ വെസ്റ്റ് സ്റ്റേഷൻ എസ്.എച്ച്.ഒ പ്രശാന്ത്കുമാർ, നർക്കോട്ടിക്‌സെൽ എസ്.ഐ മാത്യുപോൾ തുടങ്ങിയവരും പങ്കെടുത്തു.