കോട്ടയം : വിശ്വസാഹിത്യത്തിലെ പ്രശസ്തമായ അഞ്ചു നോവലുകൾ ആസ്പദമാക്കി മൂന്നു ദിവസം നീളുന്ന ഫിലിം ഫെസ്റ്റിവൽ നാളെ കോട്ടയം പബ്ലിക് ലൈബ്രറി ചിത്രതാര മിനി തിയേറ്ററിൽ ആരംഭിക്കും. വൈകിട്ട് 5 ന് എഴുത്തുകാരി കെ.ആർ.മീര ഉദ്ഘാടനം ചെയ്യും. പബ്ലിക് ലൈബ്രറി പ്രസിഡന്റ് എബ്രഹാം ഇട്ടിച്ചെറിയ അദ്ധ്യക്ഷത വഹിക്കും. ന്യൂ വേവ് ഫിലിം സൊസൈറ്റി പ്രസിഡന്റ് മാത്യൂ ഓരത്തേൽ,​ കുട്ടികളുടെ ലൈബ്രറി ആൻഡ് ജവഹർ ബാലഭവൻ എക്സിക്യുട്ടീവ് ഡയറക്ടർ വി. ജയകുമാർ എന്നിവർ പ്രസംഗിക്കും. 5.30 ന് നിരവധി അന്തർദ്ദേശീയ അവാർഡുകൾ നേടിയതിയറി ഒഫ് എവരി തിംഗ് (ജയിൻ ഹാക്കിംഗ്),

7 ന് ഉച്ചകഴിഞ്ഞ് 2.30 ന് അന്ന കരേനിന (ലിയോ ടോൾസ്റ്റോയി)​ ,​ 5.30 ന് ഓൾഡ് മൻ ആൻഡ് ദ് സീ (ഏണസ്റ്റ് ഹെമിംഗ് വേ )​.

8 ന് ഉച്ചകഴിഞ്ഞ് 2.45 ന് പ്രസിഡന്റിന്റെ സ്വർണമെഡൽ നേടിയ ആദ്യമലയാള സിനിമ ചെമ്മീൻ , ​ 5.30ന് ലൗ ഇൻദി ടൈം ഒഫ് കോളറ എന്നിവ പ്രദർശിപ്പിക്കും.