അയ്മനം : പൂന്ത്രക്കാവ് ദേവീക്ഷേത്രത്തിൽ ദേവീ ഭാഗവത നവാഹ യജ്ഞം നാളെ മുതൽ 15 വരെ നടക്കും. നാളെ വൈകിട്ട് 6.30 ന് ദീപാരാധന, തുടർന്ന് സ്വീകരണം, യജ്ഞ സമാരംഭ സമ്മേളനം മന്ത്രി വി.എൻ വാസവൻ ഉദ്ഘാടനം ചെയ്യും. തന്ത്രി കടിയക്കോൽ കൃഷ്ണൻ നമ്പൂതിരി ഭദ്രദീപം തെളിയിക്കും. ഉപദേശക സമിതി പ്രസിഡന്റ് നന്ദകുമാരൻ നായർ അദ്ധ്യക്ഷത വഹിക്കും. ജയൻ തടത്തുംകുഴിയിൽ നിന്ന് ഇടമന നാരായണൻ നമ്പൂതിരി ഏറ്റുവാങ്ങി ഫണ്ട് ഉദ്ഘാടനം ചെയ്യും. ദേവസ്വം ബോർഡ് മെമ്പർമാരായ അഡ്വ.അജികുമാർ, ജി.സുന്ദരേശൻ എന്നിവർ പങ്കെടുക്കും. ജയൻ തടത്തുംകുഴി, ജ്യോതി ലക്ഷ്മി, വിജി രാജേഷ്, ദേവകി ടീച്ചർ, ബിജു മാന്താറ്റിൽ, എം.ജി സനൽകുമാർ എന്നിവർ പങ്കെടുക്കും. ഉപദേശക സമിതി സെക്രട്ടറി എം.വി മനോജ് സ്വാഗതവും, സമിതി അംഗം കെ.ജി പ്രസാദ് നന്ദിയും പറയും. യജ്ഞാചാര്യൻ മോഹൻജി അയ്യപ്പൻകോവിൽ കട്ടപ്പന മാഹാത്മ്യ പ്രഭാഷണം നടത്തും. 7 ന് രാവിലെ മഹാഗണപതിഹോമം, 9 ന് സുമംഗലീപൂജ, 10 ന് ആചാര്യ പ്രഭാഷണം, 2ന് പ്രസാദമൂട്ട്, വൈകിട്ട് 6.45 ന് ദീപാരാധന. 8 ന് രാവിലെ 7 മുതൽ ദേവീ ഭാഗവതപാരായണം, ഗണപതിഹോമം, 12 ന് ആചാര്യ പ്രഭാഷണം, 2 ന് കുമാരീപൂജ, വൈകിട്ട് അന്നദാനം. 9 ന് രാവിലെ 7ന് ദേവീ ഭാഗവതപാരായണം, 9.30ന് ഉണ്ണിയൂട്ട്, തൊട്ടിൽവയ്പ്, 2 ന് വിദ്യാഗോപാലമന്ത്രാർച്ചന, അന്നദാനം. 10 ന് രാവിലെ 7ന് ഗായത്രിഹോമം, 10.30 ന് നവഗ്രഹപൂജ, വൈകിട്ട് 5.30 ന് നാരങ്ങാവിളക്ക്, അന്നദാനം. 11 ന് രാവിലെ 7 ന് ദേവീ ഭാഗവതപാരായണം, 10 ന് മഹാമൃത്യുഞ്ജയഹോമം. 12 ന് രാവിലെ ഗണപതിഹോമം, 12 ന് സ്വയംവരസദ്യ, അന്നദാനം. 13 ന് രാവിലെ 7 ന് ദേവീ ഭാഗവത പാരായണം. 14 ന് രാവിലെ 7 ന് ദേവീഭാഗവതപാരായണം, 9 ന് നവചണ്ഡികാ ഹോമം, വൈകിട്ട് 7. 30ന് അഷ്ടലക്ഷ്മീ യോഗം, അന്നദാനം. 15 ന് രാവിലെ 6ന് മഹാഗണപതിഹോമം, 8 ന് ഗായത്രീ ഹോമം, 9 ന് അവഭൃഥസ്‌നാനം. എല്ലാ ദിവസവും പ്രസാദമൂട്ടുമുണ്ട്.