കോട്ടയം : താലൂക്ക് തലത്തിൽ ജനങ്ങളുടെ പരാതികളും അപേക്ഷകളും തീർപ്പാക്കുന്നതിനായി മന്ത്രിമാർ പങ്കെടുത്ത് നടത്തുന്ന 'കരുതലും കൈത്താങ്ങും' പരാതിപരിഹാര അദാലത്തിന് നാളെ ജില്ലയിൽ തുടക്കമാകും.
കോട്ടയം താലൂക്കിൽ മന്ത്രി വി.എൻ. വാസവൻ ഉദ്ഘാടനം നിർവഹിക്കും. മന്ത്രി റോഷി അഗസ്റ്റിൻ അദ്ധ്യക്ഷത വഹിക്കും. ചീഫ് വിപ്പ് ഡോ. എൻ. ജയരാജ്, തിരുവഞ്ചൂർ രാധാകൃഷ്ണൻ എം.എൽ.എ, എം.പി.മാരായ അഡ്വ. ഫ്രാൻസിസ് ജോർജ്, ആന്റോ ആന്റണി, ജോസ് കെ. മാണി, ചാണ്ടി ഉമ്മൻ എം.എൽ.എ, ജില്ലാ പഞ്ചായത്ത് പ്രസിഡൻ് കെ.വി. ബിന്ദു, കളക്ടർ ജോൺ വി. സാമുവൽ, നഗരസഭാദ്ധ്യക്ഷരായ ബിൻസി സെബാസ്റ്റ്യൻ, ലൗലി ജോർജ്ജ്, നഗരസഭാംഗം സിൻസി പാറയിൽ, അഡീഷണൽ ജില്ലാ മജിസ്‌ട്രേറ്റ് ബീന പി. ആനന്ദ് എന്നിവർ പങ്കെടുക്കും. വൈക്കം താലൂക്കിലെ അദാലത്ത് 10 ന് രാവിലെ 10 മുതൽ വൈക്കം വല്ലകം സെന്റ് മേരീസ് ചർച്ച് പാരിഷ് ഹാളിലും, മീനച്ചിലിൽ 13ന് രാവിലെ 10 മുതൽ പാലാ മുനിസിപ്പൽ ടൗൺ ഹാളിലും, ചങ്ങനാശേരിയിൽ 16 ന് രാവിലെ 10 മുതൽ ചങ്ങനാശേരി മുനിസിപ്പൽ ടൗൺ ഹാളിലുംനടക്കും.