കോട്ടയം : ജനങ്ങളെ നേരിൽക്കണ്ട് പരാതികളും അപേക്ഷകളും തീർപ്പാക്കാൻ മന്ത്രിമാരായ വി.എൻ. വാസവൻ, റോഷി അഗസ്റ്റിൻ എന്നിവർ പങ്കെടുത്ത് നടത്തിയ വൈക്കം താലൂക്കിലെ 'കരുതലും കൈത്താങ്ങും' അദാലത്തിൽ 50 പരാതികൾക്ക് പരിഹാരം. അദാലത്തിനു മുൻപ് ലഭിച്ച 126 അപേക്ഷകളിൽ 58 എണ്ണമാണ് പരിഗണനാവിഷയത്തിൽ ഉൾപ്പെട്ടത്. ഇതിൽ 50 എണ്ണത്തിലാണ് തീർപ്പുണ്ടായത്. മറ്റ് അപേക്ഷകളിൽ 15 ദിവസത്തിനകം തുടർനടപടി സ്വീകരിച്ച് അപേക്ഷകനെ അറിയിക്കുന്നതിന് വകുപ്പുകൾക്ക് നിർദ്ദേശം നൽകി. അടുത്ത അദാലത്ത് 13 ന് രാവിലെ 10 മുതൽ പാലാ മുനിസിപ്പൽ ടൗൺ ഹാളിൽ നടക്കും.