പരിയാരം: എസ്.എൻ.ഡി.പി യോഗം 1711ാം നമ്പർ പരിയാരം ശാഖയിൽ 31ാമത് പ്രതിഷ്ഠാ വാർഷികം 18 മുതൽ 20 വരെ നടക്കും. 18ന് രാവിലെ 6ന് അഷ്ടദ്രവ്യസമേത മഹാഗണപതിഹോമം, 8.30നും 9നും മദ്ധ്യേ മേൽശാന്തി ചെങ്ങളം അരുൺ ശാന്തിയുടെ മുഖ്യകാർമ്മികത്വത്തിലും ശ്രീക്കുട്ടൻ ശാന്തിയുടെ സഹകാർമ്മികത്വത്തിലും കൊടിയേറ്റ്. വൈകുന്നേരം 6ന് സർവൈശ്വര്യപൂജ, തിരുവരങ്ങിൽ 7ന് ഗുരുദേവ ഗാനസുധ, 8.30ന് ഗുരുനാരായണ ഭജനാമൃതം, 9ന് അന്നദാനം. 19ന് രാവിലെ 6ന് ഗണപതിഹോമം, 7ന് ഗുരുദേവകൃതികളുടെ പാരായണം, 9ന് പഞ്ചവിംശതി കലശപൂജ, 11ന് പ്രതിഷ്ഠാ വാർഷിക സമ്മേളനം എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളി ഉദ്ഘാടനം ചെയ്യും. ചങ്ങനാശേരി യൂണിയൻ പ്രസിഡന്റ് ഗിരീഷ് കോനാട്ട് അദ്ധ്യക്ഷത വഹിക്കും. ചങ്ങനാശേരി യൂണിയൻ സെക്രട്ടറി സുരേഷ് പരമേശ്വരൻ വിദ്യാഭ്യാസ ക്യാഷ് അവാർഡ് വിതരണം ചെയ്യും. ചങ്ങനാശേരി യൂണിയൻ വൈസ് പ്രസിഡന്റ് പി.എം ചന്ദ്രൻ ചികിത്സാ ധനസഹായ വിതരണം നടത്തും. ഡി.പ്രസാദ്, കെ.പി ജിജുമോൻ, വിപിൻ കേശവൻ, ഷേർളി മണി, വി.കെ ബ്രിജേഷ്, അഖിൽ രാജ്, സുബില ഷിനൽ, വിജയമ്മ മോഹനൻ എന്നിവർ പങ്കെടുക്കും. ശാഖാ പ്രസിഡന്റ് കെ.കെ സുരേഷ് കുമാർ സ്വാഗതവും ശാഖാ വൈസ് പ്രസിഡന്റ് കെ.കെ വിശ്വനാഥൻ നന്ദിയും പറയും. തുടർന്ന് 1.30ന് മഹാപ്രസാദമൂട്ട്, വൈകുന്നേരം 6ന് താലപ്പൊലി ഘോഷയാത്ര, 9ന് അന്നദാനം. 20ന് രാവിലെ 6.30ന് ശാന്തിഹവനം, 8.30ന് ഗുരുദേവകൃതികളുടെ പാരായണം, 9ന് സമൂഹപ്രാർത്ഥന, വൈകിട്ട് 7.30ന് കൊടിയിറക്ക്, 7.45ന് വിവിധ കലാപരിപാടികൾ, 9ന് നാടൻപാട്ട്.