കോട്ടയം: വൈദ്യുതി ചാർജ് വർദ്ധിപ്പിച്ച എൽ.ഡി.എഫ് സർക്കാരിന്റെ നടപടിയിൽ പ്രതിഷേധിച്ച് യൂത്ത് കോൺഗ്രസ് കോട്ടയം നിയോജകമണ്ഡലം കമ്മറ്റിയുടെ നേതൃതത്തിൽ നടത്തിയ കെ.എസ്.ഇ.ബി സെൻട്രൽ ഇലക്ട്രിക്കൽ സെക്ഷൻ ഓഫീസ് വളയൽ സമരത്തിൽ സംഘർഷം. ഗാന്ധി സ്‌ക്വയറിൽ നിന്നാരംഭിച്ച പ്രതിഷേധ സമരം സ്റ്റാർ ജംഗ്ഷനിൽ പൊലീസ് ബാരിക്കേഡ് ഉപയോഗിച്ച് തടഞ്ഞു. പ്രവർത്തകർ വാഹനത്തിന്റെ ടയർ കൂട്ടിയിട്ട് കത്തിച്ചു. ബാരിക്കേഡ് മറികടന്നെത്തിയ പ്രവർത്തകർ ഓഫീസിന് മുൻപിൽ പൊലീസുമായി സംഘർഷമുണ്ടായി. റോഡിൽ കുത്തിയിരുന്ന യൂത്ത്‌കോൺഗ്രസ് സംസ്ഥാന ജനറൽ സെക്രട്ടറി സുബിൻ മാത്യു, രാഹുൽ മറിയപ്പള്ളി, പി.കെ വൈശാഖ്, ബിനീഷ് ബെന്നി, അഡ്വ. ജിത്തു ജോസ്, രാഷ്‌മോൻ മാത്യു, വിഷ്ണു ചെമ്മുണ്ടവള്ളി, ടോണി കുട്ടംപേരൂർ എന്നിവരെ അറസ്റ്റ് ചെയ്തു നീക്കി. തിരുവഞ്ചൂർ രാധാകൃഷണൻ എം.എൽ.എ പ്രതിഷേധസമരം ഉദ്ഘാടനം ചെയ്തു. നിയോജകമണ്ഡലം പ്രസിഡന്റ് പി.കെ വൈശാഖ് അദ്ധ്യക്ഷത വഹിച്ചു. ചിന്തു കുര്യൻ മുഖ്യപ്രഭാഷണം നടത്തി. ഗൗരി ശങ്കർ, മുഹമ്മദ് ഷിയാസ്, അനൂപ് അബൂബക്കർ, ബിബിൻ വർഗീസ്, ഷാൻ ടി.ജോൺ, റെമിൻ, ഷിനാസ്, ജിബിൻ ജോസഫ്, യദു സി.നായർ, ജിത്തു കരിമാടം, ആദർശ് രജ്ജൽ, ജിത്തു ജേസ്, യശ്വന്ത് സി.നായർ എന്നിവർ പങ്കെടുത്തു.