കോട്ടയം: കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ നാൽപതാമത് കോട്ടയം ജില്ലാ സമ്മേളനത്തിന് വൈക്കത്ത് തുടക്കം കുറിച്ചു.
ജില്ലാ കൗൺസിൽ സംസ്ഥാന സെക്രട്ടറിയേറ്റ് അംഗം സി വി. ഗോപി ഉദ്ഘാടനം ചെയ്തു. ജില്ലാ പ്രസിഡന്റ് പി.കെ. മണിലാൽ അദ്ധ്യക്ഷത വഹിച്ചു. ജില്ലാ സെക്രട്ടറി പി.എസ്. ആന്റണി വാർഷിക റിപ്പോർട്ട് അവതരിപ്പിച്ചു. പൊതുസമ്മേളനം എ.ഐ.സി.സി അംഗം ബിന്ദു കൃഷ്ണ ഉദ്ഘാടനം ചെയ്തു. സംസ്ഥാന കമ്മിറ്റി അംഗം ഇ.എൻ. ഹർഷകുമാർ അദ്ധ്യക്ഷത വഹിച്ചു.
ഇന്ന് രാവിലെ 10.30ന് നടക്കുന്ന പൊതുസമ്മേളനം പി.സി. വിഷ്ണുനാഥ് എം.എൽ.എ ഉദ്ഘാടനം ചെയ്യും. ഡി.സി.സി പ്രസിഡന്റ് നാട്ടകം സരേഷ് മുഖ്യപ്രഭാഷണം നിർവഹിക്കും. കെ.എസ്.എസ്.പി.എ സംസ്ഥാന പ്രസിഡന്റ് അഡ്വ. കെ.ആർ കുറുപ്പ് സംഘടന സന്ദേശം നൽകും. ജില്ലാ പ്രസിഡന്റ് പി.കെ മണിലാൽ അധ്യക്ഷത വഹിക്കും. പ്രീത രാജേഷ്, കെ.വി മുരളി, ടി.എസ്. സലിം, അഡ്വ. ജി..ഗോപകുമാർ, സി.സുരേഷ് കുമാർ എന്നിവർ പ്രസംഗിക്കും. 11.30ന് നടക്കുന്ന പ്രതിനിധി സമ്മേളനം സംസ്ഥാന ജനറൽ സെക്രട്ടറി എം..പി വേലായുധൻ ഉദ്ഘാടനം ചെയ്യും. സംസ്ഥാന സെക്രട്ടറിയേറ്റ് അംഗം കെ.ഡി പ്രകാശ് അദ്ധ്യക്ഷത വഹിക്കും.
12.30ന് നടക്കുന്ന വനിതാ സമ്മേളനം കെ.പി.സി.സി സെക്രട്ടറി സുധാ കുര്യൻ ഉദ്ഘാടനം ചെയ്യും. വനിതാ ഫോറം ജില്ലാ പ്രസിഡന്റ് ലീലാമ്മ ജിമ്മി അദ്ധ്യക്ഷത വഹിക്കും. ഉച്ചകഴിഞ്ഞ് 2. 15 ന് നടക്കുന്ന ട്രേഡ് യൂണിയൻ സുഹൃത്ത് സമ്മേളനം മോൻസ് ജോസഫ് എം.എൽ.എ ഉദ്ഘാടനം ചെയ്യും. സംസ്ഥാന കമ്മിറ്റി അംഗം പി.വി.സുരേന്ദ്രൻ അദ്ധ്യക്ഷത വഹിക്കും. 3.15ന് നടക്കുന്ന സമാപന സമ്മേളനം യു.ഡി.എഫ് ജില്ലാ കമ്മിറ്റി കൺവീനർ ഫിൽസൺ മാത്യൂസ് ഉദ്ഘാടനം ചെയ്യും. കെ.എസ്.എസ്.പി.എ ജില്ലാ വൈസ് പ്രസിഡന്റ് കാളികാവ് ശശികുമാർ അധ്യക്ഷത വഹിക്കും.