വൈക്കം : തലയാഴം പഞ്ചായത്തിലെ കറവപ്പശുക്കളുള്ള കർഷകർക്ക് സൗജന്യനിരക്കിൽ മാസം തോറും കാലിത്തീറ്റ നൽകുന്ന പദ്ധതിയുടെ ഉദ്ഘാടനം പഞ്ചായത്ത് പ്രസിഡന്റ് രമേഷ്.പി.ദാസ് നിർവഹിച്ചു. ഉത്പാദനച്ചെലവിനും അദ്ധ്വാനത്തിനും അനുസരിച്ച് പ്രതിഫലം ലഭിക്കാത്ത കർഷകരെ ഈ മേഖലയിൽ തുടരാൻ പ്രേരിപ്പിക്കുന്ന പദ്ധതിയാണിത്. ഇരുന്നൂറോളം കർഷകർക്ക് പ്രയോജനം ലഭിക്കും. യോഗത്തിൽ പഞ്ചായത്ത് അംഗങ്ങളായ ജെൽസി സോണി, കൊച്ചുറാണി ബേബി, കെ. ബിനിമോൻ, കെ.വി.ഉദയപ്പൻ, സിനി സലി, ഷീജ ബൈജു, വെറ്ററിനറി ഡോ. അനിൽകുമാർ ഭാസ്‌കർ, തലയാഴം ക്ഷീരോത്പാദക സംഘം സെക്രട്ടറി വിജയകുമാർ തുടങ്ങിയവർ സംസാരിച്ചു.