ചങ്ങനാശേരി : കെ.എസ്.ആർ.ടി.സി പെൻഷണേഴ്‌സ് ഓർഗനൈസേഷന്റെ നേതൃത്വത്തിൽ ചങ്ങനാശേരി ഡിപ്പോയ്ക്ക് മുമ്പിൽ പ്രതിഷേധ ധർണ നടത്തി. കേരള കോൺഗ്രസ് ഉന്നതാധികാര സമിതി അംഗം വി.ജെ.ലാലി ഉദ്ഘാടനം ചെയ്തു. പെൻഷണേഴ്‌സ് ഓർഗനൈസേഷൻ യൂണിറ്റ് പ്രസിഡന്റ് എ.പി ശാസ്താവുകുട്ടി അദ്ധ്യക്ഷത വഹിച്ചു. സംസ്ഥാന ഓർഗനൈസിംഗ് സെക്രട്ടറി എ.വി ഓമനകുട്ടൻ, സെക്രട്ടറി ചാക്കോ ആന്റണി എന്നിവർ പങ്കെടുത്തു. പെൻഷൻ വിതരണം സർക്കാർ ഏറ്റെടുക്കുക, പെൻഷൻ പരിഷ്‌കരണം നടപ്പിലാക്കുക, ഉത്സവബത്ത കുടിശിക സഹിതം നൽകുക തുടങ്ങിയ ആവശ്യങ്ങളുന്നയിച്ചായിരുന്നു ധർണ.