കെഴുവംകുളം: എസ്.എൻ.ഡി.പി യോഗം 106ാം നമ്പർ കെഴുവംകുളം ശാഖയിൽ കുടുംബയൂണിറ്റുകളുടെ സംയുക്തവാർഷികം 29ന് രാവിലെ 10.30 മുതൽ ശാഖാ ഹാളിൽ നടക്കും. മുൻ യൂണിയൻ സെക്രട്ടറിയും മുൻ ശാഖാ പ്രസിഡന്റുമായ ടി.എൻ ജഗന്നിവാസ് സംഗമം ഉദ്ഘാടനം ചെയ്യും. ശാഖാ പ്രസിഡന്റ് വി.എൻ പ്രമോദ് അദ്ധ്യക്ഷത വഹിക്കും. ആഘോഷകമ്മിറ്റി കൺവീനർ പി.എൻ രാജു ആമുഖപ്രസംഗം നടത്തും. കൊഴുവനാൽ ഗ്രാമപഞ്ചായത്ത് പ്രസിഡന്റ് ലീലാമ്മ ബിജു ശാഖയിൽ വിവിധ മേഖലകളിൽ മികച്ച വിജയം കൈവരിച്ചവരെ ആദരിക്കും. തുടർന്ന് പ്രവർത്തന റിപ്പോർട്ടും അവലോകനവും ചർച്ചയും. ശാഖാ സെക്രട്ടറി ടി.കെ ഷാജി സ്വാഗതവും ശാഖാ വൈസ് പ്രസിഡന്റ് ഇ.കെ ദിവാകരൻ നന്ദിയും പറയും. 1.45ന് ഹക്കിം പാണാവള്ളി പ്രഭാഷണം നടത്തും.