മീനച്ചിൽ : ജില്ലാ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി മീനച്ചിൽ പഞ്ചായത്തിൽ സ്ഥാപിച്ച നാല് മിനി ഹൈമാസ്റ്റ്‌ലൈറ്റുകളുടെ ഉദ്ഘാടനം നടന്നു. വളഞ്ഞാങ്ങാനം ജംഗ്ഷൻ, ഇടമറ്റം രാജീവ് കോളനി, പൂവരണി പള്ളി ഭാഗം, പാറപ്പള്ളി ലക്ഷംവീട് ഭാഗം എന്നിവിടങ്ങളിലാണ് പുതിയ ലൈറ്റുകൾ സ്ഥാപിച്ചത്. മൂന്നുവർഷ ഗ്യാരണ്ടിയോടുകൂടി കേരള ഇലക്ട്രിക്കൽ ലിമിറ്റഡ് ആണ് ലൈറ്റുകൾ സ്ഥാപിച്ചിരിക്കുന്നത്.

വിവിധ കേന്ദ്രങ്ങളിൽ ചേർന്ന യോഗത്തിൽ പഞ്ചായത്ത് പ്രസിഡന്റ് സോജൻ തൊടുക അദ്ധ്യക്ഷത വഹിച്ചു. ജില്ലാ പഞ്ചായത്ത് മെമ്പർ രാജേഷ് വാളിപ്ലാക്കൽ ലൈറ്റുകളുടെ ഉദ്ഘാടനം നിർവഹിച്ചു. ജില്ലാ പഞ്ചായത്ത് ഭരണങ്ങാനം ഡിവിഷനിൽ 75 ലൈറ്റുകൾ സ്ഥാപിച്ചു കഴിഞ്ഞതായും അടുത്ത ഒരു വർഷത്തിനുള്ളിൽ മൊത്തം 100 നു മുകളിൽ ലൈറ്റുകൾ സ്ഥാപിക്കുമെന്നും അദ്ദേഹം പറഞ്ഞു. ബ്ലോക്ക് പഞ്ചായത്ത് മെമ്പർമാരായ ജോസ് ചെമ്പകശ്ശേരി, ഷിബു പൂവേലിൽ, പഞ്ചായത്ത് മെമ്പർമാരായ സാജോ പൂവത്താനി, ബിജു തുണ്ടിയിൽ, ജയശ്രീ സന്തോഷ്, ബിജു കുമ്പളന്താനം, ബിനോയി നരിതൂക്കിൽ തുടങ്ങിയവർ പ്രസംഗിച്ചു.